Yanditswe Nov, 09 2016 15:57 PM | 3,594 Views
President wa Republika Paul Kagame abinyujije ku rukuta rwe rwa Twitter yashimiye Donald Trump watsinze mu matora yo gihitamo uzayobora iki gihugu cya leta z’unze ubumwe z’america
Aho President Kagame yavuze ko intsinzi ya Trump yayiharaniye koko, akaba ari naho yatangarije ko yizeye ubuyobozi bushya bwa leta z’unze ubumwe z’america n’urwanda bizaguma mu mubano mwiza usanzwe uranga ibihugu byombi
Uyu Donald trump akaba yatsinze mu amatora y'umukuru w'igihugu muri leta zunze ubumwe z'Amerika, atsinze Hillary Clinton wahabwaga amahirwe kubera amateka ye y'igihe kirekire muri politiki ya Amerika.
Trump yatsinze ku majwi 276 kuri 215 ya Hillary Clinton, mu gihe hari hakeneye 270 gusa.
Nyuma y'iyi ntsinzi Hillary Clinton yahise ahamagara Trump amushimira.
Iyi ntsinzi ikimara gutangazwa, Donald Trump nawe yemeje ko yavuganye ku murongo wa telephone na Hillary Clinton anamushimira ku buryo yitwaye mu bikorwa byo kwiyamamaza.
Mw’ijambo Donald Trump yatanze akimara gutangarizwa ko ariwe watsinze yabaye nk'uca amarenga kuri politiki mpuzamahanga hagati ya USA n'ibindi bihugu kuko yavuze ko leta zunze ubumwe za Amerika ziteguye gukomeza guharanira inyungu zayo ariko kandi zikaba ziteguye kubana n'igihugu kizemera kujyana n'umurongo iki gihugu cy'igihanganye ku isi kigenderaho.
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru