AGEZWEHO


Perezida Kagame yakiriye Mme. Matshidiso Moeti umuyobozi wa OMS muri Afurka

Yanditswe June, 29 2017 at 17:48 PM | 2536 Views



Perezida wa Repubulika Paul Kagame yakiriye mu biro bye, umuyobozi w'Ishami ry'umuryango w’abibumbye ryita ku buzima ku rwego rwa Afurika, Madame Matshidiso Moeti. Uyu muyobozi yashimye uburyo mu Rwanda hari gahunda y’ubwisungane mu kwivuza avuga ko bukwiriye kubera urugero ibindi bihugu bya Afurika. 

Madame Matshidiso Moeti, ubwo yagiranaga ibiganiro n'umukuru w'Igihugu Paul Kagame, yashimye intambwe u Rwanda rumaze gutera mu nzego zose harimo n’urw'ubuzima. By’umwihariko yashimye ko mu Rwanda byoroheye buri wese kubona serivise z’ubuvuzi, yagize ati, "Icya mbere turashima ko iki gihugu cyagabanyije ubusumbane mu kwivuza mu baturage b'u Rwanda, ni ukuvuga ko buri munyarwanda ashobora kugera kuri serivise z'ubuvuzi mu buryo bumworoheye n’ubwo baba ari abakene. leta yashyizeho uburyo bwo kubagenera ubwisungane mu kwivuza ari bwo mutuelle de santé ndetse n'abandi banyarwanda bari mu byiciro bitandukanye. Ihame twigiye ku Rwanda ntekereza ko nzarishishikariza ibindi bihugu ni uko umuturage uko yaba ameze kose yafashwa kugenerwa ubwisungane mu buvuzi. Nk’uko perezida wa republika yabivugaga ni uko iyo bigenze bityo umuturage yibona muri iyo gahunda"

Madame Matshidiso Moeti kandi atangaza ko politike y'u Rwanda mu gukorana n'abafatanyabikorwa barwo ikwiriye yasangizwa n’ibindi bihugu. 

Ishami ry'umuryango w’abibumbye ryita ku buzima rifasha ibihugu birimo n'u Rwanda mu buryo bw'ubumenyi, kubisangiza ibitekerezo na gahunda zagize impinduka mu bindi bihugu kugirango bibashe kugera ku ntengo z’iterambere rirambye.



Ba wambere gutanga igitekerezo

Tanga igitekerezo:



RSS FEED

Perezida Kagame yakiriye itsinda ry'ishoramari mu ku kugura imigabane

Perezida Kagame yasabye indangamirwa kubyaza umusaruro amahirwe bafite

Perezida Kagame na Madamu bakiriwe ku meza na Ministre w'intebe wa Israel

Perezida Kagame yifatanyije n'abaturage kwizihiza isabukuru yo kwibohora

Perezida Kagame muri Ethiopia gukurikirana amavugururwa y'umuryango wa AU

Perezida Kagame yasabye ibihugu bya Afurika gukuraho imbibi mu buhahirane