Perezida Kagame yakiriye Moussa Faki Mahamat, umuyobozi wa komisiyo ya AU

AGEZWEHO


Perezida Kagame yakiriye Moussa Faki Mahamat, umuyobozi wa komisiyo ya AU

Yanditswe April, 08 2017 at 19:07 PM | 1815 Views



Perezida wa Repubulika Paul Kagame, kuri uyu wa 6 yakiriye umuyobozi wa Komisiyo y’Umuryango w’Afrika yunze ubumwe, Moussa Faki Mahamat waje kwifatanya n’abanyarwanda gutangira icyunamo cyo kwibuka ku nshuro ya 23 jenoside yakorewe Abatutsi mu Rwanda.

Ni ku nshuro ya mbere bwana Faki Mahamat ageze mu Rwanda, kuva yatorerwa kuyobora Komisiyo y’Umuryango wa Afurika yunze Ubumwe, umwanya yasimbuyeho umunyafrikayepfo-kazi Madame Dlamini Zuma.

Kuri uyu wa 5 ubwo, abanyarwanda batangiraga icyunamo cyo kwibuka jenoside yakorewe abatutsi, bwana Moussa Faki Mahamat yafatanyije na Perezida wa rep. Paul Kagame gucana urumuri rw’Icyizere, ndetse anifatatanya n’Abanyarwanda mu rugendo rwo Kwibuka no kwamagana Jenoside yakorewe Abatutsi ruzwi nka Walk to Remember, rwabaye ku mugoroba wo kuri uyu wa 7 Mata 2017.

Nyuma yaho, yavuze ko ibyo yabonye n’ibyo yabwiwe byamukoze ku mutima, akanatekereza cyane ku buzima bw’impfubyi n’abapfakazi basizwe na Jenoside yakorewe Abatutsi bakaba bagihangana n’ingaruka zayo.

Mahamat yashimye aho igihugu kigeze cyiyubaka ndetse n’ubuyobozi bwiza bwa Perezida Kagame bwatumye u Rwanda rutera intambwe ubu rukaba rubereye urugero umugabane wa Afurika wose. Yabwiye Perezida Kagame ko amwubaha kimwe n’abandi banyafurika muri rusange kuko ibyo yakoze nta wundi washobora kubigeraho.




Ba wambere gutanga igitekerezo

Tanga igitekerezo:



RSS FEED

Perezida Kagame arakangurira Afrika kongera ibikorwaremezo mu ikorabuhanga

Perezida Kagame yitabiriye imurika rya filime yamukozweho yiswe 'The Royal

Perezida Kagame yitabiriye ihuriro ry'ibihugu bigize umuryango wa Commonwea

Perezida Kagame yasabye abayobozi gushyira inyungu z'abaturage imbere y

Perezida Kagame avuga ko ubumenyi bukwiye guhabwa intebe muri Afrika

Perezida Kagame avuga ko abakobwa n'abagore ikoranabuhanga ritagomba kubasi