Warning: session_start(): open(/tmp/sess_e5f20pgk74qdko2gc12gc0b2d3, O_RDWR) failed: No space left on device (28) in /home/rbaco/public_html/admin/core/init.php on line 2
Perezida Kagame yakiriye abahagarariye ibihugu byabo mu Rwanda 9

Perezida Kagame yakiriye abahagarariye ibihugu byabo mu Rwanda 9

Yanditswe January, 16 2018 at 16:32 PM | 4966 Views



Perezida wa repubulika Paul Kagame kuri uyu wa mbere yakiriye abahagarariye ibihugu byabo mu Rwanda bashya bagera ku 9 ndetse n'uhagarariye umuryango w'ubumwe bw'uburayi mu Rwanda nawe mushya kuri uyu mwanya.

Abashyikirije Perezida wa Repubulika Paul Kagame impapuro zibemerera guhagararira ibihugu byabo mu Rwanda k'urwego rw'Amasaderi, barimo Julia PATAKI wa Romania ufite icyicaro i Nairobi muri Kenya, Konstantinos MOATSOS w'Ubugereki nawe ufite icyicaro i Nairobi na Rakiatou MAYAKI wa Niger ufite icyicaro mu mugi wa Pretoria muri Afurika yepfo. Abandi Perezida Paul KAGAME yakiriye barimo Oumar DAOU wa Mali, Abdallah Hassan Eisa BUSHARA wa Sudan, Lulit Zewdie GEBREMARIAM wa Ethiopia, Ahmed Samy Mohamed EL-ANSARY wa Misiri, Joanne Lomas w'Ubwongereza ndetse n'ambasaderi mushya w'umuryango w'ubumwe bw'Uburayi mu Rwanda Nicola BELLOMO.

Aba badiplomate bose bavuze ko bashishikajwe guteza imbere imibanire y'ibihugu byabo n'u Rwanda mu nzego zitandukanye zirimo politiki, ubukungu, ubuhinzi, umuco n'uburezi. Ambasaderi Julia PATAKI wa Romania yashimangiye ko ubufatanye hagati y'ibihugu byombi buzubakira ku byo u Rwanda rushyize imbere kurusha ibindi muri gahunda rwihaye y'iterambere.Yagize ati, "Dukeneye kwita ku mibanire idufitiye inyungu mu bukungu kuko burya nicyo kintu cy'ingenzi mu mibanire yose, tukanareba mu buhinzi, mu rwego rw'inganda naho birashoboka, gusa aka kanya sinahita mbabwira iyo mishinga iyo ari yo neza, gusa hari inzego nka Romania twatoranyije ariko ubu dushyize imbere ibiganiro hagati y'impande zombi kugirango twubakire ku byo u Rwanda rushyize imbere kandi rubonamo inyungu muri izo nzego."

Ambasaderi Rakiatou MAYAKI wa Niger ndetse na mugenzi we wa Mali Oumar DAOU, bashimangiye ko ubuyobozi n'abaturage b'ibihugu byabo bashyigikiye u Rwanda mu gihe ruzamara ruyobora umuryango w'Afurika yunze ubumwe, ibintu bemeje ko bishingiye ku cyizere abanyafurika bafitiye Perezida Paul Kagame ndetse n'abanyarwanda bose muri rusange.

Ambasaderi w'umuryango w'ubumwe bw'Uburayi Nicola BELLOMO, nawe yavuze ko Uburayi bubona Perezida Paul Kagame nk'umuntu uzi neza umugabane w'Afurika n'ibyo ukeneye ngo urusheho gutera imbere. Yagaragaje ko kuba agiye kuyobora umuryango w'Afurika yunze ubumwe bizafasha umugabane kugera ku ntego zawo, ibintu avuga ko n'umuryango w'ubumwe bw'Uburayi uzungukiramo.

Ba ambasaderi 10 bashya bashyikirije umukuru w'igihugu impapuro zibemerera guhagararira ibihugu byabo n'umuryango w'ubumwe bw'Uburayi, 6 muri bo bafite icyicaro i Kigali mu gihe 4 bafite icyicaro mu bindi bihugu.



Ba wambere gutanga igitekerezo

Tanga igitekerezo:



RSS FEED

Perezida Kagame ari muri Jordan kwitabira inama ihuza Afurika y'Iburasirazu

Perezida Kagame yakiriye inyandiko z'abambasaderi 9 bashya mu Rwanda

Perezida Kagame arakangurira urubyiruko kugira uruhare mu iterambere rya Afurika

Perezida Kagame yatanze ikiganiro ku “Gushyira Imbere Umuturage” mu

Perezida Kagame yitabiriye inama ya G20 muri Bueno Aires, Argentina

Perezida Kagame yifatanije n'abandi bayobozi mu nama ya Paris Peace Forum

RTV SCHEDULE


Warning: Unknown: open(/tmp/sess_e5f20pgk74qdko2gc12gc0b2d3, O_RDWR) failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/home/rbaco/public_html) in Unknown on line 0