Perezida Kagame yakiriye indahiro ya minisitiri w’intebe mushya Edouard Ngirente

AGEZWEHO


Perezida Kagame yakiriye indahiro ya minisitiri w’intebe mushya Edouard Ngirente

Yanditswe August, 30 2017 at 17:05 PM | 4791 Views



Nyuma yo kwakira indahiro ya Minisitiri w'intebe mushya w'u Rwanda,Perezida wa Repubulika Paul Kagame yatangaje ko abandi bagize guverinoma nabo batarenza umunsi umwe batararahira kandi ngo iyo guverinoma nshya ikaba igomba gutoranywa ku buryo abanyarwana bose bayibonamo.


Minisitiri w'intebe mushya w'u Rwanda Ngirente Edouard yarahiriye izo nshingano yahawe na Nyakubahwa Perezida wa Repubulika Paul Kagame.Muri uyu muhango wamaze umwanya muto mu Ngoro y'inteko ishinga amategeko, Perezida wa Republika yashimiye Minisitiri w'intebe mushya kuba yemeye gukorera igihugu cye kuri uru rwego amwizeza ubufatanye.

“Ndashimira Ngirente Edouard kuba yemeye gukorera igihugu cye nka Minisitiri w'Intebe, akazayobora guverinoma,nabonye umwanya wo kuganira nawe bihagije ku mirimo agiye gukora. Mu bikorwa byacu, dukorera hamwe.Nasanze Minisitiri w'Intebe mushya afite imbaraga, ubushake n'ubumenyi bihagije kugira ngo agere ku nshingano. Ariteguye.Ndamushimira ko yabyemeye, kandi ndamwizeza ubufatanye mu nshingano ze. Ibyo twifuza bizagerwaho” Perezida Kagame

Ku bijyanye na Minisitiri w'intebe ucyuye igihe Anastase Murekezi,Perezida wa Republika Paul Kagame yamushimiye akazi keza yakoze ko kuyobora guverinoma mu murava n'ubushishozi ndetse ahishura ko hari izindi nshingano zimutegereje.


Perezida Kagame yahishuye ko abandi bagize guverinoma nabo batarenza umunsi umwe batararahira nyuma yo kwakira indahiro ya Ministiri w'intebe.Yavuze ko guverinoma nshya izagaragaramo amasura mashya n'ayari asanzwe kandi ko izaba ari guverinoma abanyarwanda bose bibonamo.

Kuva muri 2010 u Rwanda rumaze kugira abaminisitiri b'intebe batatu barimo Bernard Makuza werekeje muri Sena nyuma  yo gusimburwa  na Pierre Damien Habumuremyi m’Ukwakira 2011 mbere y'uko asimburwa na Anastase Murekezi ku wa 24 Nyakanga 2014 nawe usimbuwe na Ngirente Edouard nyuma y'iminsi 13 Perezida wa Repubulika Paul Kagame arahiriye kuyobora u Rwanda muri manda yasabwe n'abaturage.




Ba wambere gutanga igitekerezo

Tanga igitekerezo:



RSS FEED

METEO Rwanda irateguza abaturage ko imvura y'itumba izagwa mu mezi 3

Perezida Lungu avuga ko ubuhahirane hagati y'u Rwanda na Zambia ari magirir

Zambia yiyemeje gufasha gukurikirana abacyekwaho gukora Jenoside mu Rwanda

Inteko yumvise ibisobanuro bya MINICOM na MINAGRI ku bibazo bitandukanye

Perezida Kagame yagize uruhare mu kiganiro ku mutekano ku nyoko-muntu mu Budage

Perezida Kagame yitabiriye inama mpuzamahanga ku mutekano mu Budage

RTV SCHEDULE