Perezida Kagame yakiriye umuyobozi wa FIFA

AGEZWEHO


Perezida Kagame yakiriye umuyobozi wa FIFA

Yanditswe February, 27 2017 at 11:22 AM | 644 Views



Perezida Kagame ejo ku cyumweru yakiriye Gianni Infantino umuyobozi w’ ishyirahamwe ry’umupira w’amaguru ku Isi, FIFA, amusezeranya ubufatanye mu byatuma uyu mukino ukomeza gutera imbere. Aba bayobozi bombi bakaba barahuriye i Gabiro mu Ntara y’Uburasirazuba mu Karere ka Gatsibo ahari kubera umwiherero w’abayobozi bakuru b’u Rwanda ku nshuro ya 14, mbere gato y’uko Perezida wa FIFA asura urwibutso rwa Jenoside yakorewe Abatutsi ku Gisozi.


Umuvugizi wa Ferwafa, Ruboneza Prosper, aganira n’itangazamakuru yavuze ko perezida Kagame na perezida wa FIFA bombi baganiriye ku bijyanye n’iterambere ry’umupira w’amaguru mu Rwanda by’umwihariko Infantino yamushimiye umusanzu we mu guteza imbere ruhago.

Aha yagarutse ku marushanwa Perezida Kagame asanzwe atera inkunga arimo nk’iry’amakipe yabaye aya mbere mu bihugu byayo mu Karere ka Afurika y’Iburasirazuba, CECAFA.

Perezida Kagame yamwijeje ko u Rwanda rwiteguye kwakira ibikorwa byose by’umupira w’amaguru FIFA yashaka ko bibera mu rw’imisozi igihumbi. Yanamusezeranyije kandi ko leta y’u Rwanda izakomeza gushyigikira igikorwa cyari cyamuzanye mu Rwanda cyo kubaka hotel ya Ferwafa.




Ba wambere gutanga igitekerezo

Tanga igitekerezo:



RSS FEED

Abayobozi muri leta, imiryango n'abikorera berekeje i Gabiro mu mwiherero

U Rwanda na Zambia basinyanye amasezerano ateza ibihugu byombi imbere

Perezida w'u Rwanda n'uwa Zambia bagiranye ikiganiro n'abanyamaku

Amafaranga miliyari 35 niyo yahererekanyijwe nka ruswa mu Rwanda mu 2017

Perezida Kagame yakiriye mugenzi we wa Zambia Edgar Lungu ku meza

METEO Rwanda irateguza abaturage ko imvura y'itumba izagwa mu mezi 3

RTV SCHEDULE