Yanditswe Dec, 20 2017 15:53 PM | 5,738 Views
Perezida wa repubulika Paul Kagame kuri uyu wa 3 yatangiye uruzinduko rw'akazi mu gihugu cya Sudan aho yagiranye ibiganiro na mugenzi we, Omar Al Bashir, byibanze ku bufatanye n'umubano hagati y'ibihugu byombi, haba mu bijyanye n'umutekano politiki n'ubukungu.
Paul Kagame yageze i
Khartoum muri Sudan mu ruzinduko rw'iminsi 2. Yabanje kwakirwa mu cyubahiro
gihabwa umukuru w'igihugu nyuma aza kugirana ikiganiro na mugenzi we Omar Al
Bashir.
Aba bakuru b'ibihugu byombi n'intumwa zari zibaherekeje bagiranye ibiganiro byagarutse ku mubano n'ubufatanye hagati y'u Rwanda na Sudan. By'umwihariko perezida wa Sudan yashimye u Rwanda ku bw'uruhare rugira mu kugarura amahoro n'umutekano muri Afurika rwohereza ingabo mu butumwa bw'amahoro. Yavuze ko bashima umusanzu w'ingabo z'u Rwanda mu kugarura amahoro mu ntara ya Darfur aho rumaze imyaka isaga 10 rwoherezayo ingabo, kuri ubu zigira uruhare mu kwambura abaturage intwaro batunze mu buryo butemewe n'amategeko.
Minisitiri w'ububanyi n'amahanga w'u Rwanda, Louise Mushikiwabo ni umwe mu bayobozi ku ruhande rw'u Rwanda bari kumwe na perezida wa republika Paul Kagame. Abandi baherekeje perezida wa republika harimo minisitiri w'ingabo gen. James Kabarebe, uw'ubucuruzi n'inganda Vincent Munyeshyaka, n'abandi bayobozi bakuriye inzego zirebana n'umutekano, ubucuruzi n'ishoramari.
Muri uru ruzinduko rw'iminsi 2 kandi biteganyijwe ko perezida Paul Kagame asura ingoro y'ibimenyetso by'amateka ya Sudan na kaminuza mpuzamahanga ya Afurika, akaganira n'abanyeshuli bayigamo. Haranasinywa amasezerano ashyiraho akanama ngishwanama gahuriweho n'ibihugu byombi kajya kigirwamo ibibazo bya politiki.
U Rwanda na Sudan bihurira muri imwe mu miryango y'akarere by'umwihariko uhuza ibihugu bituriye ikibaya cy'uruzi rwa Nil rufite isoko mu Rwanda.
Inkuru mu mashusho:
Kuki Intara y'Amajyaruguru ikomeje kugaragaramo ibipimo biri hejuru mu bana bafite imirire mibi ...
Mar 27, 2024
Soma inkuru
MINEMA yasobanuye uko ikomeje gufasha abibasiwe n'ibiza biheruka kwibasira uduce tumwe tw' ...
Mar 27, 2024
Soma inkuru
Abanyamategeko 188 barangije amasomo y'Ubuhuza basabwe kugabanya umubare w'Imanza mu Nkiko
Mar 27, 2024
Soma inkuru
Bugesera: Abaturage basaga ibihumbi 40 bahawe amazi meza
Mar 27, 2024
Soma inkuru
Leta yatangiye kubarura inyubako zayo zidakorerwamo kugira ngo zibyazwe umusaruro
Mar 27, 2024
Soma inkuru
Asaga miliyari 417 Frw yashyizwe muri gahunda zo gufasha abarokotse Jenoside mu myaka 30
Mar 27, 2024
Soma inkuru
Haba hari umuti urambye wa gatanya zishingiye ku mitungo?
Mar 27, 2024
Soma inkuru
Perezida Kagame yakiriye abanyeshuri n’abarimu ba Kaminuza ya Stanford
Mar 26, 2024
Soma inkuru