Perezida Kagame yifatanyije na Unity Club kwizihiza isabukuru y'imyaka 20 imaze

Mu birori byo kwizihiza isabukuru y'imyaka 20 umuryango Unity Club umaze ushinzwe, Perezida wa Repubulika Paul Kagame yashimiye uyu muryango kuba ku isonga mu kwimakaza ubumwe mu banyarwanda ashimangira ko ubwo bumwe ariyo nzira iganisha igihugu mu cyerekezo kizima.

Madamu wa Perezida wa Repubulika Jeannette Kagame washinze akaba ari nawe uyobora umuryango Unity Club Intwararumuri ni umwe mu bakase iyo 'gateau' imbere y'imbaga y'abantu amagana bitabiriye ibi birori bari barimo n'Umukuru w'igihugu.

Mu ijambo yavugiye muri ibi birori byari byitabiriwe n'abanyamuryango ba Unity Club n'abandi bayobozi mu nzego zitandukanye.

Perezida wa Repubulika Paul Kagame yagaragaje ko kubura ubumwe aribyo byagejeje igihugu  mu icuraburindi rya Jenoside yakorewe Abatutsi  kandi ashimangira ko abanyarwanda badakwiye kurangara ngo ubu bumwe bumaze kubakwa bube bwabaca mu myanya y'intoki.

Inkuru mu mashusho: