Perezida Kagame yifatanyije n'abaturage mu muganda hubakwa ibyumba by'amashuli

AGEZWEHO


Perezida Kagame yifatanyije n'abaturage mu muganda hubakwa ibyumba by'amashuli

Yanditswe October, 28 2017 at 18:26 PM | 2737 Views



Perezida wa Repubulika Paul Kagame aributsa abanyarwanda ko imbaraga zabo ari izibanze mu guteza igihugu imbere batarambirije ku nkunga z'amahanga gusa. Ibi yabitangaje ubwo yifatanyaga n'abaturage ba Kicukiro mu gikorwa cy'umuganda ngarukakwezi batangirijemo ibikorwa byo kubaka ibyumba by'amashuri.

Abaturage babarirwa mu bihumbi barimo umubare munini w'abanyamahanga nibo bifatanyije na Perezida Kagame gutangiza ibikorwa byo kubaka amashuri ya Karembure aherereye mu murenge wa Gahanga.

Perezida Kagame yabanje gushimira abitabiriye umuganda abasaba gukomeza ubufatanye mu bikorwa biteza igihugu imbere anabibutsa ko iterambere ry'u Rwanda mbere ne mbere rireba abanyarwanda. Yagize ati, 'Birashimisha iyo tubikora twashyizemo ingufu zacu aritwe twabanje kubyikorera. Iyo abantu bagutera inkunga bakayidutera natwe twabanje gushyiraho akacu, dukomeze rero uwo mutima wo kwikorera wo gukora neza wo gufatanya hanyuma igihugu cyacu kibone amajyambere. Turashaka amajyambere turashaka kubaho neza turashaka kubana neza ibyo rero nta gishobora kutubuza kubigeraho.'' 

Perezida Kagame yanashimiye abanyamahanga barimo abahagarariye umuryango w'ibihugu bivuga icyongereza Commonwealth bifatanyije n'abanyarwanda mu gikorwa cy'umuganda ngarukakwezi.




Ba wambere gutanga igitekerezo

Tanga igitekerezo:



RSS FEED

Perezida Kagame ari muri Leta Zunze Ubumwe z'Abarabu mu ruzinduko rw'a

Umutekano muke uterwa no kutagira ubufatanye hagati y'ibihugu--H.E Kagame

Perezida Kagame yitabiriye inama ku mahoro n'umutekano i Dakar muri Senegal

Gabiro: Perezida Kagame yitabiriye imyitozo y'urukomatane rw'intwaro

Perezida Kagame yakiriye mu biro bye abayobozi batandukanye b'i Burayi

Perezida Kagame yahawe igihembo cyo guteza imbere ubukerarugendo