Perezida Paul Kagame yakiriye itsinda ry'abanyeshuli ba kaminuza ya Stanford

AGEZWEHO


Perezida Paul Kagame yakiriye itsinda ry'abanyeshuli ba kaminuza ya Stanford

Yanditswe April, 03 2017 at 17:53 PM | 641 Views



Perezida wa Repubulika y'u Rwanda, Paul Kagame yakiriye abanyeshuri  bo mu Ishuri ry’ubucuruzi muri Kaminuza ya Stanford muri Leta Zunze Ubumwe za Amerika. Umukuru w'igihugu yabasobanuriye inzira u Rwanda rwanyuzemo rwiyubaka, n'uburyo ruharanira iterambere ridaheza.

Ibiganiro Perezida Paul Kagame yagiranye n'abanyeshuri 22 biga iby'ubucuruzi muri Kaminuza ya Stanford, byagarutse ku iterambere ry'ubukungu ridaheza umuturage uwo ari we wese. Aha yabahaye ingero zirimo gahunda ya Girinka, Guhuza ubutaka hagahingwa igihingwa kimwe, uburezi n'ubuvuzi kuri bose n'ibindi bitandukanye.

Minisitiri w'uburezi Dr Papias Musafiri Malimba yagaragaje ko hari inyungu ku Rwanda mu kwakira bene aba banyeshuri,"Ni abanyeshuri bahagarariye abandi banyeshuri benshi ndetse n'abanyeshuri baturuka mu bihugu bitandukanye ku isi ntago baturuka muri Amerika gusa baturuka mu bihugu birenga 13, abantu nkaba rero iyo baje bakamenya inkuru nyakuri uretse wenda ibyo baba babona mu itangazamakuru ryo hanze cyangwa n'ahandi baba n'abavugizi kumenyekanisha isura nyayo y'igihugu cyacu."

Urugendo rw'aba banyeshuri rwari rugamije kureba iterambere ry'Ubukungu n'imibereho myiza y'abaturage kandi ridaheza icyiciro icyo aricyo cyose (Inclusive growth mu ndimi z'amahanga). Stanford Graduate School of Business ni rimwe mu mashuri arindwi agize Kaminuza ya Stanford yo muri Leta zunze ubumwe za Amerika.




Ba wambere gutanga igitekerezo

Tanga igitekerezo:



RSS FEED

Kaminuza ya Gitwe iracyategereje mu gihe INES yo hari amashami yafunguwe

MINEDUC yatangije ibarura ry'abarimu kuko hari ahagaragaye abarimu ba barin

MINEDUC yatangaje amanota y'abanyeshuli barangije amashuli yisumbuye na TVE

Abanyeshuli bitoza ubuganga bahuye n'abadepite kubagezaho iby'imbogami

Kwibuka Jenoside yakorewe abatutsi muri MINEDUC

Ireme ry'uburezi; kimwe mu by'ingenzi byigwaho mu nama ya Northern Corridor