Polisi y'u Rwanda yafashe umugabo ucuruza abantu

Police y'u Rwanda kuri iki cyumweru yerekanye umugabo w'umunyakenya ukekwaho gucuruza abagore 3 b'Abarundi, akaba yarafatiwe ku mupaka w'Akanyaru ka Ruguru mu ntara y'Amajyepfo abavanye mu gihugu cy'u Burundi, abajyana muri Arabia Saudite.

Abo bagore bavuga ko batari bazi iyo bajyanywe, mu gihe uwo Munyakenya we avuga ko afite ibyangombwa bimwemerera kujyana abantu muri Arabiya Saudite kubashakirayo akazi.

Hashize icyumweru kimwe ku mupaka w'Akanyaru ka Ruguru mu karere ka Nyaruguru hafatiwe umugabo w'umunyakenya ukekwaho icuruzwa ry'abantu. 

Uyu mugabo yafashwe ari kumwe n'abagore 3 bavanye i Burundi berekeza muri Arabia Saudite, ariko bari kubanza kunyura muri Uganda.

Abo bagore batifuje kugaragaza amasura yabo, batangarije abanyamakuru ko kuva mu Burundi bakiyemeza guta imiryango yabo bakagenda babitewe n'ubushomeri, bakongeraho ariko ko batari bazi iyo bajyanywe.

Basobanura ko bashakiwe ibyangombwa by'inzira, bafata urugendo hanyuma baza kwisanga bafatiwe ku mupaka w'Akanyaru ka Ruguru hamwe n'uwo Munyakenya.

Inkuru irambuye mu mashusho: