Polisi y'u Rwanda yasubije umunyamahanga wibwe miliyoni 13 n'umukozi we

AGEZWEHO


Polisi y'u Rwanda yasubije umunyamahanga wibwe miliyoni 13 n'umukozi we

Yanditswe August, 17 2017 at 16:20 PM | 7999 Views



Polisi y'igihugu irasaba abafite ibikowa byinjiza amafaranga menshi gushyiraho ingamba zo kuyacungira umutekano aho kwiringira abakozi babo kuko akenshi ngo bibagusha mu mutego wo kuyiba.

Mu gitondo cyo kuri uyu wa kane Polisi y'igihugu mu mujyi wa Kigali yashyikirije uwitwa Kautuk Chandra Kumar umuyobozi w'ikigo Waheguru Travels miliyoni zisaga gato 13 z'amafaranga y'u Rwanda yari yibwe n'umukozi we. Uwibwe asobanura uko byamugendekeye, "Ejo ahagana mu ma sa cyenda ni bwo namuhaye cheque ya miliyobni 13 ngo ajye kumbikuriza amaze kuyabikuza kuri banki barampamagaye bambaza niba ari jye wamutumye. Mbabwira ko ankorera, amaze kuyabikuza naramuhamagaye akambwira ngo araje hashize isaha ni bwo nafashe umwanzuro wo kujya kubimenyesha polisi ku Muhima.

Uyu ukekwaho kwiba aya mafaranga yafatiwe i Kayonza, ubu ari mu maboko ya police. Avuga ko byamugwiririye, yagize ati, "maze kubona amafaranga ntabwo nari mfite gahunda yo kuyatwara ariko nabiplaningiyeho. Imbabazi nazisabye kandi n'ubu ndacyazisaba. Ndasaba imbabazi rwose."

ACP Rutikanga Rogers umuyobozi wa  Polisi mu mujyi wa Kigali agira inama abakora ubucuruzi n'abandi bafite ibikowa bibinjiriza amafaranga menshi  gushyiraho ingamba zo kwicungira umutekano wayo,  "Nko gufata miliyoni 20 miliyoni 16... nk'izingizi bari bibye ukaziha umuntu ukamubwira ngo genda gusa utazi n'aho akomoka ntabwo ari byo. Ubutumwa bw'abibwa ni ukuvuga ngo bagire uruhare mu kureba ko bashyizeho igituma bigora umujura cyangwa umunyacyaha kuba yakora icyo cyaka . Wabonye abaje kuyafata uko bangana ni benshi. Iyaba abo benshi baje kuyakira barabaye benshi mu kujya kuyakura muri banki ntabwo uyu mwana aba yashoboye kuyiba.

ACP Rutikanga kandi asaba abaturage muri rusange gutanga amakuru ku gihe kuko ngo bifasha Polisi y'igihugu gukurikirana abajura bityo bagafatwa hakiri kare.



Ba wambere gutanga igitekerezo

Tanga igitekerezo:



RSS FEED

Polisi y'u Rwanda yatangije ubukangurambaga bwo kwirinda impanuka zo mu muh

Polisi yasinye amasezerano yo gutera ibiti na ministeri y'ubutaka n'am

Ibigo byigenga 2 bicunga umutekano byafunzwe na Polisi y' u Rwanda

Abantu 25 baturutse mu bihugu bitandukanye basuye Isange one-stop centre

Polisi y'u Rwanda yatashye amacumbi azakira aba polisi bageze ku 1500

Polisi n'Umujyi wa Kigali batangije ubukangurambaga ku isuku n'umuteka