RBC ivuga ko nta murwayi ukenera amaraso ngo ayabure mu Rwanda

RBC ivuga ko nta murwayi ukenera amaraso ngo ayabure mu Rwanda

Yanditswe January, 06 2018 at 20:16 PM | 4348 Views



Ikigo cy'Igihugu cy'Ubuzima RBC kiratangaza ko nibura buri kwezi hatangwa amaraso ari hagati ya mililitilo ibihumbi 12 na 16 ni mu gihe kandi ngo nta murwayi ukeneye kongererwa amaraso urayabura mu Rwanda. Ibi byatangajwe kuri uyu wa Gatandatu ubwo abarenga 100 batangaga amaraso ahitwa Rugando mu Karere ka Gasabo.

Abarenga 100 batanze amaraso uyu munsi biganjemo urubyiruko, bavuga ko basobanuriwe akamaro ko gutanga amaraso bibaha kwiyemeza ko ntawe uzazira kuyabura ayakeneye ko bazahora bitabira iki gikorwa cyo kuyatanga inshuro zose zishoboka. Christine Nikobisanzwe, umwe mu batanze amaraso agira ati, ''Iyo umuntu atanze amaraso ku bushake aba afashije umuntu wari ugiye kubura ubuzima kwa muganga, abantu bose rero, abanyarwanda bose nibashishikarire gutanga amaraso kubushake.''

Umuyobozi ushinzwe gusuzuma no guhitamo abatanga amaraso mu kigo cy'igihugu cy'ubuzima RBC, Yvonne Twiringiyimana avuga ko kugeza magingo aya nta bitaro mu Rwanda birahura n'ikibazo cyo kubura amaraso afasha abarwayi bayakeneye. Yagize ati, ''Amaraso turayabona nta murwayi uritaba Imana mu bitaro kuko yabuze amaraso cyangwa se ibiyakomokaho, ikigo cy'igihugu cyo gufashisha amaraso gishyiramo imbaraga zose zishoboka kugirango amaraso aboneke kugeza ubu ntakibazo, urugero amarso ibihumbi 80 yarasabwe kandi yaratanzwe ibitaro birayahabwa ku kigero gishimishije biri ku 100% amaraso basabye barayabona.''

RBC ivuga ko abana batarageza ku myaka 5 bari mu bakenera amaraso cyane, bo kimwe n'ababyeyi babyara cyangwa abagize ibibazo byo gukuramo inda, abagize impanuka bagatakaza amaraso menshi cyangwa se abarwaye indwara z'akarande nka cancer, impyiko n'izindi.



Ba wambere gutanga igitekerezo

Tanga igitekerezo:



RSS FEED

RBC irakangurira abantu kwirinda no kwisuzumisha indwara zitandura hakiri kare

Intumwa za AFSBT zaje kureba uko U Rwanda rukwirakwiza amaraso mu bitaro

Abaganga babaga indwara ya fistile baracyari bake mu Rwanda

Biravugwa ko igipimo cya Malaria cyagabanutse mu Rwanda

Mu Rwanda hizihijwe umunsi mpuzampahanga wo kurwanya icyorezo cya SIDA

Hari imiti myinshi yangirikira mu bubiko kuko itagera ku baturage-RBC

RTV SCHEDULE