AGEZWEHO


RCA ivuga ko itazihanganira abanyereza umutungo w'amakoperative

Yanditswe January, 11 2017 at 12:08 PM | 475 Views



Mu rwego rwo guca akajagari mu ikusanya ry'amafaranga ya koperative z'abamotari rimwe na rimwe bikagorana kubikurikirana, kubera amafaranga menshi yasohotse nta busobanuro, ikigo gishinzwe guteza imbere amakoperative RCA cyatangaje ko kitazihanganira umuyobozi cyangwa umunyamuryango w'izi koperative uzanyereza umutungo.

Ibi biravugwa mu gihe ubuyobozi bw'iki kigo buvuga ko bwakira ibibazo by'abanyamuryango b'izi koperative bavuga ko bakwa amafaranga ntibamenye irengero ryayo ndetse n'abayobozi b'izi koperative baka abanyamuryango bazo amafaranga menshi.

RCA mu kiganiro yagiranye n'abanyamakuru, yavuze ko mu mabwiriza mashya agenga izi koperative ateganya ko umusanzu uzajya utangwa mu bigo by'imari byemewe mu Rwanda.

Kuri ubu mu gihugu hose habarurwa amakoperative 243 y'abatwara abagenzi kuri moto, agizwe n'abanyamuryango bakabakaba ibihumbi 20. RCA ikaba yemeza ko izi koperative zigomba gutanga ubusobanuro bw'amafaranga yose yakoreshejwe, hagamijwe guca burundu isesagurwa ry'umutungo n'akajagari kaboneka mu mikorere n'imikoranire y'abanyamuryango bazo.




Ba wambere gutanga igitekerezo

Tanga igitekerezo:



RSS FEED

Master Card Foundation yiteguye gukomeza gufatanya n'u Rwanda