Yanditswe Dec, 07 2017 22:48 PM | 2,642 Views
Intumwa idasanzwe y'Umunyamabanga Mukuru wa Loni muri Centrafrique iri kumwe n'Umugaba Mukuru w'Ingabo za Loni ziri mu butumwa bw'amahoro muri Centrafrique bagiranye ikiganiro n’abayobozi bakuru b’ingabo z’u Rwanda. Aba bayobozi baganiriye ku busabe bwa Loni bw'uko U Rwanda rwakongera umubare w'abasirikare rufite muri Centrafrique
Ni ubwa mbere Intumwa
idasanzwe y'Umunyamabanga Mukuru wa Loni mu gihugu cya Centrafrique, Parfait
Onanga Anyanga hamwe n'Umugaba Mukuru w'Ingabo za Loni ziri mu butumwa
bw'amahoro muri Centrafrique, Gen. Balla Keita, basuye U Rwanda kuva aho
rutangiye kugira uruhare rukomeye mu butumwa bw'amahoro muri Centrafrique.
Mu biganiro aba bayobozi bagiranye na Minisitiri w'Ingabo, Gen James Kabarebe hamwe n'Umugaba Mukuru w'Ingabo z'u Rwanda, Gen. Patrick Nyamvumba, bashimye U Rwanda ku ruhare rugira mu bikorwa byo kubungabunga amahoro muri Centrafrique.
Parfait Onanga
Anyanga , yavuze ko banaganiriye ku ngingo zitandukanye zijyanye n’ibikorwa
u Rwanda rufatanya na centrafrique byo kubungabunga amahoro ku isi. Yagize ati, " Byari
ngombwa rero ko tuza kuganira na Minisitiri w'Ingabo hamwe n'Umugaba w'Ingabo
z'U Rwanda ku ngingo zitandukanye mu bikorwa dufatanya byo kubungabunga
amahoro. Icya mbere kibanze twashimiye cyane Guverinoma y'U Rwanda
yaduhaye ingabo z'intangarugero mu butumwa bw'amahoro kandi tubashimira uburyo
bakora akazi kabo mu buryo bwa kinyamwuga bwo ku rwego rwo hejuru mu mirimo
yose bashinzwe, icyo nicyo cy'ingenzi cyatugenzaga".
Umuvugizi w'Ingabo z'U Rwanda, Lt Col Innocent Munyengango yavuze ko aba bayobozi ku mpande zombi baganiriye uburyo umutekano uhagaze mu gihugu cya Centrafrique muri iki gihe. Ndetse baganiriye no ku biganiro bikomeje ku mpande zombi ku busabe bwa Loni bw'uko U Rwanda rwakongera umubare w'abasirikare rufite muri Centrafrique.
Biteganyijwe ko kuri uyu wa 5 iyi ntumwa idasanzwe y'Umunyambanga wa Loni muri Centrafrique hamwe n'Umugaba Mukuru w'Ingabo ziri mu butumwa bw'amahoro muri Centrafrique bazitabira Inama ya 45 ibera I Kigali yo ku rwego rw'abaminisitiri ya Komite Ngishwanama ya Loni ku bibazo by'Umutekano muri Centrafrique.
Urubyiruko rwavutse nyuma ya Jenoside rugeze he rwigishwa amateka yaranze u Rwanda?
Apr 24, 2024
Soma inkuru
Musanze: Hatangijwe igikorwa cyo gusuzuma kanseri y’inkondo y’umura ku bafite hagati y ...
Apr 24, 2024
Soma inkuru
Ingabo z'u Rwanda n’iza Jordanie zaganiriye ku kubyutsa imikoranire mu bya gisirikare
Apr 24, 2024
Soma inkuru
U Rwanda rwongeye kugaragaza ko rwiteguye kwakira abimukira bazava mu Bwongereza
Apr 23, 2024
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru