REMA irakangurira abaturage gufata neza ibishanga

Mu gihe hirya no hino hakigaragara bikorwa bya muntu byangiza ibishanga, ubuyobozi bw'ikigo cy'igihugu cyo kubungabunga ibidukije (REMA) burahamagarira abaturarwanda bose gufata neza ibishanga bakirinda ibikorwa bibyangiza kugira ngo birinde ingaruka ziterwa n'ibiza.

Bimwe mu bikorwa bya muntu bibangamira ibishanga, ni nk'abatura mu bishanga abakoreramo ubuhinzi budakozwe kinyamwuga, ababicukuramo imicanga n'ibumba n'abagenda babisatira bamenamo imyanda n'ibitaka. Gusa, hari abamaze kumenya akamaro ko kubibungabunga n'ingaruka biteza iyo bititaweho.

Ubuyobozi bw'ikigo cy'igihugu cyo kubungabunga ibidukikije (REMA) bugaragaza ko mu Rwanda ibishanga byugarijwe n'ababyigabiza bakabyubakamo, abakoreramo ubuhinzi butari ubw'umwuga, ababucukuramo ibumba, amabuye n'umucanga

Ku itariki 2 Gashyantare, isi yose yizihiza umunsi mpuzamahanga w'ibishanga, aho insanganyamatsiko igira iti: ''ibishanga bifashwe neza bidufasha kugabanya ingaruka ziterwa n'ibiza''.

Umuyobozi bw'ikigo cy'igihugu cyo kubungabunga ibiduikije(REMA) Eng. Colleta Ruhamya asobanura ko  mu Rwanda bimwe mu bishanga byugarijwe n'ibikorwa bya muntu no gufatwa nabi, bituma kugabanya ingaruka ziterwa n'ibiza bigorana.