Rubavu: Abana bakoraga uburaya nti babona imiti igabanya ubukana bwa virus itera

Bamwe mu bana b’abakobwa bakoraga umwuga w’uburaya babana n’ubwandu bwa virus itera sida bibumbiye muri koperative ”abahindutse” ikorera mu karere ka Rubavu, bagaragaza ikibazo cy’uko serivisi zitanga imiti igabanya ubukana zitabakira ngo bahabwa imiti kubera ko batarafata ibyangombwa birimo indangamuntu.

Ikibazo Ikigo cy’Igihugu gishinzwe ubuzima RBC kivuga ko ababikora baba birengagiza uburengenzira bwa muntu ndetse na politiki y’igihugu y’ubuzima yita kuri bose.

Mu biganiro byari bihuje abafite aho bahurira n’inzego z’ubuzima, umutekano ndetse n’ubutabera m’uturere twa Rubavu na Musanze byagarukaga k’uburenganzira bw’ababana n’ubwandu bwa virus itera sida, aho bavuga ko bavutswa uburenganzira bwo guhabwa imiti igabanya ubukana.

Mu gihe imibare mu gihugu igaragaza ko abakora umwuga w’uburaya bari mu cyiciro cyugarijwe kuri 45%  by’ababana n’ubwandu bwa virus itera sida, inzego zose z’ubuyobozi zifite aho zihuriye n’ubuzima zasabwe gukomeza gutanga amakuru ajyanye n’ubuzima bw’imyororokere mu kurwanya no gukumira ubwandu bwa virus itera sida hashimangirwa ihame ry’uburenganzira bwa muntu hatabaye ubuvutswa uburenganzira kuri serivisi yifuza.