Rubavu: Ibiro 420 by'urumogi na litiro zirenga 1900 z'inzoga zitemewe byatwitswe

AGEZWEHO


Rubavu: Ibiro 420 by'urumogi na litiro zirenga 1900 z'inzoga zitemewe byatwitswe

Yanditswe January, 10 2018 at 15:03 PM | 1625 Views



Kuri uyu wa gatatu, mu karere ka Rubavu ni ho hakomereje ubukangurambaga bwo kurwanya ibiyobyabwenge ku rwego rw'intara y'iburengerazuba. Ni igikorwa cyarimo polisi y'igihugu, ingabo, ministre w'ubutegetsi bw'igihugu, uw'urubyiruko, umunyamabanga wa leta muri ministeri y'ubuzima hamwe na guverineri w'intara y'iburengerazuba ndetse n'abayobozi b'inzego z'ibanze mu karere ka Rubavu.

Ibiganiro byagarutse ku mayeri atandukanye akoreshwa n'abinjiza, bakanacuruza ibiyobyabwenge mu duce dutandukanye tw'umujyi wa Rubavu ndetse n'ingamba zafatwa mu rwego rwo kubihashya burundu.

Guverineri Alphonse Munyentwari yabwiye abayobozi b'inzego z'ibanze muri Rubavu ko umuyobozi mwiza agomba kuba azi abaturage bose ayoboye, bityo akanafata iya mbere mu kurwanya ibiyobyabwenge kuko ababicuruza n'ababikoresha ni abaturage bo mu midugudu.

Ibiyobyabwenge birimo ibiro 420 by'urumogi na litiro zirenga 1900 z'inzoga zitemewe byafatiwe mu karere ka Rubavu mu gihe cy'amezi 2 ashize byatwitswe.

Umuyobozi wa Polisi y'u Rwanda CGP Emmanuel Gasana yatangaje ko ibiyobyabwenge byarenze kuba icyaha gusa ahubwo bifatwa nk'umwanzi w'igihugu. Yagize ati: "...Byibasira urubyiruko rwacu kandi iyo urubyiruko rupfuye igihugu kiba cyapfuye."

Urubyiruko rwagaragajwe nk'igice cy'abaturage cyugarijwe harimo n'urumaze kuba imbata z'ibiyobyabwenge bateza igihombo ku miryango yabo bakanadindiza iterambere ry' igihugu muri rusange.



Ba wambere gutanga igitekerezo

Tanga igitekerezo:



RSS FEED

NEC ivuga inzego z'ibanze zituzuye bityo amatora yo kuzuza imyanya akenewe

"Guha uburezi ireme ni kimwe mu byitezwe kuri guverinoma nshya"--Tom M

Musanze: NURC ifatanije na MINALOC batangije ihuriro ry’ubumwe n’ubw

Abaturage mu gihugu bitabiriye ubwisungane mu kwivuza kugeza ku gipimo cya 84%

Abaturage barasabwa kwandikisha abana mbere y'isozwa ry'ukwezi kw'

Ministre Kaboneka arakangurira amadini kugira uruhare mu iterambere ry'abat