Rubavu: Umugore yafatanywe urumugi aruhishe mu bihaza

Umugore witwa Mukansonera Geraldine uvuga ko asanzwe atuye mu mudugudu wa Mbugangali mu murenge wa Gisenyi mu Karere ka Rubavu niwe wafatanywe ibiro bitatu by’urumogi, afatirwa ku mupaka munini uhuza u Rwanda na Repubulika Iharanira Demokarasi ya Kongo ubwo yageragezaga kurwambutsa yarutsindagiye mu bihaza abenshi bakunda kwita amadegede bibisi yabanje gukuramo iby’imbere.

Nkuko abyivugira ngo yari yijejwe guhabwa amafaranga y’u Rwanda ibihumbi icumi (10.000 frws) iyo aza kurugeza mu Rwanda.

Inkuru mu mashusho:

Ashingiye ku ngaruka mbi ziterwa n’ibiyobyabwenge, Chief Inspector of Police Kanamugire Théobard umuvugizi wa Police y’u Rwanda mu ntara y’Iburengerazuba, aragira inama abaturarwanda by’umwihariko abatuye mu Karere ka Rubavu baragirwa inama yo gukomeza kwirinda ibiyobyabwenge,yaba mu kubinywa, kubitunda no kubicuruza kuko bigira ingaruka mbi ku buzima n’imibereho y’abantu muri rusange.