Rwandair igiye gutangira gukorera ingendo muri gihugu cya Benin na Cameroon

Sosiyeti nyarwanda ikora ingendo zo mu kirere, RwandAir, yatangaje ko igiye gutangira gukorera ingendo i Cotonou muri Benin ndetse n'i Abidjan muri Cote d'Ivoire. I Cotonou muri Benin ingendo zizatangira ku itariki ya kabiri Nzeri, zikazajya zikorwa n'indege nshya ya Boing 737-700, mu gihe i Abidjan ari ku itariki ya munani ukwakira, kandi muri ibi bihugu byombi ingendo zikazajya zikorwa gatatu mu cyumweru, ku wa kabiri, ku wa Gatanu no ku cyumweru.

Indege igomba kujya Cotonou, izajya iva kigali inyure Douala na Libreville, mu gihe iyerekeza Abidjan izanyura Accra muri Ghana.

Paul Nyirubutama umuyobozi mukuru wungirije muri Rwandair, asobanura ko  gukora izi ngendo biza byiyongera kuhandi hantu Rwandair yageraga kandi ko biri mu mugambi wayo wo gukomeza guhuza u Rwanda n'ibindi bice byo muri Afrika y'Uburengerazuba, hagamijwe koroshya ubuhahirane n'indi mijyi yo muri Afrika ndetse no guteza imbere ubucuruzi n'ubukerarugendo hagati y'ibihugu ku mpande zombi.