Rwandair yongeye kugura indi ndege nshya yakorewe muri Amerika

AGEZWEHO


Rwandair yongeye kugura indi ndege nshya yakorewe muri Amerika

Yanditswe November, 16 2016 at 14:07 PM | 753 Views



Indege nshya yo mu bwoko bwa Boeing B737-800NG ya Rwandair itegerejwe I Kigali kuri uyu wa 3.

Rwandair yatangaje ko iyi ndege yiswe “Kalisimbi” iri mu nzira iza I Kigali, nyuma yo guhaguruka ejo hashize mu mujyi wa Seattle muri Leta zunze ubumwe za Amerika.

Mu masaha ya mbere ya saa sita iyi ndege “Kalisimbi” itwara abagenzi 154, yarimo iva I Athens mu Bugereki, yerekeza I Kigali.

Iyi ndege B737-800NG itegerejwe I Kigali nyuma y’ukwezi gushize Rwandair yakiriye indi ndege nini yo mu bwoko bwa Airbus A330-200.

Cyokora Rwandair yatangaje ko mu kwezi kwa 5 k’umwaka utaha wa 2017, izakira indi ndege nk’iyo yo mu bwoko bwa Boeing B737-800NG yiswe “Muhabura” nayo yakorewe muri leta zunze ubumwe z’Amerika.

Rwandair ivuga ko kugura izi ndege bitumye u Rwanda ruba urwa mbere muri Afrika ndetse n’urwa kabiri ku isi yose mu bihugu bifite indege z’ubwo bwoko.

Mu kwezi kwa 9 uyu mwaka, Rwandair yatangije ingendo zayo zerekeza i Cotonou muri Benin, mu gihe cya vuba kandi ngo izanatangiza ingendo zerekeza i Abidjan muri Côte d’Ivoire. Izo ngendo zombi ngo zizajya zikorwa n’indege nshya B737-800NG.

RwandAir igiye kwagura ingendo zayo ahantu 19 hirya no hino muri Afurika, kuko yari isanzwe yerekeza mu mujyi 17.





Ba wambere gutanga igitekerezo

Tanga igitekerezo:



RSS FEED

Impuguke zashimye ubufatanye mu ngendo zo mu kirere hagati ya Benin n'u Rwa

Rwandair igiye gutangira ingendo zerekeza zikanaturuka i Bamako

Rwandair izagura ingendo zayo mu Buhinde no muri Zimbabwe mu kwa kane

Rwandair izagura ingendo zayo muri Amerika,Asia, n'Uburayi mu 2017

Rwandair yahagaritse ingendo zayo ziva zikanajya Juba

Kubera inama ya AU, ibiciro bya Rwandair byaragabanutse