Sena na MYICT mu biganiro byo gushyira mu bikorwa gahunda z'ikoranabuhanga

Komisiyo ya Senat ishinzwe iterambere ry'ubukungu n'imari muri iki gitondo irimo kugirana ibiganiro nyunguranabitekerezo n'abafite aho bahurira n'ishyirwa mu bikorwa rya politiki y'igihugu ku ikoranabuhanga.

Muri bo ku isonga hakaba harimo ministeri y'urubyiruko n'ikoranabuhanga n'abafatanya bikorwa bayo. Ministre Jean Philbert Nsengimana uhagarariye guverinoma muri ibi biganiro yabwiye abasenateri bagize iyi komisiyo ko ikoranabuhanga ririmo gufasha inzego zinyuranye gutera imbere mu guhanga ibintu bishyashya, hakaba hari intego y'uko mu karere u Rwanda ruherereyemo rwazaba icyitegererezo mu ikoreshwa ry'ikoranabuhanga no mu kuribyaza umusaruro.

Ikoranabuhanga kandi ngo rizafasha gutuma urwego rwa service rugera ku gipimo cyo hejuru, runagire uruhare rukomeye mu izamuka ry'ubukungu bw'igihugu.

Ngo rizanatuma habaho kurushaho guteza imbere umuco n'ubusabane mu muryango nyarwanda.