U Rwanda n'Ubuhinde basinye amasezerano y'ubufatanye mu bijyanye n'ubuhahirane

AGEZWEHO


U Rwanda n'Ubuhinde basinye amasezerano y'ubufatanye mu bijyanye n'ubuhahirane

Yanditswe February, 21 2017 at 11:30 AM | 648 Views



Minisitiri w'intebe Anastase Murekezi na visi perezida w'ubuhinde Shri Hamid Ansari ku mugoroba wo kuwa mbere bitabiriye isinywa ry'amasezerano atandukanye y'ubufatanye hagati y'igihugu cy'ubuhinde n'igihugu cy'u Rwanda. Abo bayobozi bombi banasuye ibikorwa bitandukanye byabamurikiwe bikorwa n'abanyarwanda n'abahinde.

Ayo masezerano ni ajyanye n'ubufatanye mu by'ikirere, imigenderanire y'abaturage b'ibihugu byombi ndetse n'ajyanye no gushinga ikigo kigisha kikanateza imbere iby'ubucuruzi n'ishoramari.

Minisitiri w'intebe Anastase murekezi yavuze ko by'umwihariko u Rwanda rwiteguye kubyaza umusaruro masezerano yasinywe harimo ayemerera kompanyi z'ingendo z'indege mu bihugu byombi kujya bikora ingendo nta nkomyi kandi ko Ku ikubitiro Rwandair itangiza ingendo zayo mu mujyi wa Mumbai mu gihugu cy'ubuhinde mu kwezi kwa kane.

Visi perezida w'ubuhinde Shri Hamid Ansari yavuze ko ntawashidikanya ko iterambere ryihuse u Rwanda rushimirwa ku ruhando mpuzamahanga nawe akaba yabyiboneye bifitanye isano no kugira ubuyobozi bwiza bukorera ku ntego kandi bukareba kure. Agasanga ibihugu byombi bifite icyo byungukira ku mubano mwiza w'ibihugu byombi.

Mu yandi masezerano yasinywe harimo ajyanye no gukuraho visa ku baturage b'ibihugu byombi cyane cyane abafite za pasiporo za servise n'abadiplomate ariko impande zombi zigasobanura ko icyifuzo ari uko byagera ku baturage bose mu gihe kidatinze.

Mu Rwanda hari abahinde bagera ku bihumbi 3000 mu gihe mu myaka itarenze itandatu hamaze gutangizwa ishoramari mu mishinga igera kuri 66 y'abahinde yahaye akazi abantu barenga 3800.



Ba wambere gutanga igitekerezo

Tanga igitekerezo:



RSS FEED

Ibigo bya Isange One-Stop Center bikwiye gushyirwa mu bigo nderabuzima--Sena

Abadepite bo muri Burkina Faso bari mu Rwanda kwiga ku miyoborere n'uburing

Abantu bose baturutse hanze bazajya bahabwa viza bageze mu Rwanda--'Immigra

Uruganda rukora moto mu Rwanda ruvuga ko rukora moto nyinshi kurusha izigurwa

Polisi yasinye amasezerano yo gutera ibiti na ministeri y'ubutaka n'am

Abadepite bo muri Afurika y'Epfo bari mu Rwanda mu rugendoshuli