Ubuhinde bwiteguye guha abanyeshuli bo mu Rwanda 'bourse'

AGEZWEHO


Ubuhinde bwiteguye guha abanyeshuli bo mu Rwanda 'bourse'

Yanditswe February, 21 2017 at 17:33 PM | 755 Views



Igihugu cy'ubuhinde cyateganyirije mugabane w'Africa bourse kubanyeshuli ibihumbi 50,000  mu myaka 5 iri imbere, harimo n'u Rwanda nkuko byatangajwe na Visi Perezida wicyo gihugu Hamid Ansari , mu kiganiro n'abanyeshuli bo muri kaminuza y'u Rwanda ishami rya Nyarugenge.

Abanyeshuli n'abarezi bo muri kaminuza y'u Rwanda, bavuga ko biteguye gukoresha amahirwe bafite, u Rwanda rukazabona 'bourses' nyinshi murizo.

Visi Perezida w'igihugu cy'ubuhinde Hamid Ansari, avuga ko igihugu cye cyiteguye gukomeza gufatanya n'u Rwanda muri gahunda zitandukanye z'iterambere,ahereye ku ruzinduko rw'umukuru cy'u Rwanda yagiriye mu Buhinde ukwezi gushize.

Nyakubahwa Ansari avuga ko igihugu cye cy'ubuhinde cyiteguye gutanga bourse ibihumbi 50,000 kubifuza kujya kwiga iwabo baturutse kuri uyu mugabane w'Africa harimo n'u Rwanda.

Umuyobozi wungirije ushinzwe iterambere muri Kaminuza y'u Rwanda, Dr. Murigande Charles, avuga ko abanyarwanda bagomba kwitabira aya mahirwe atangwa n'igihugu cy'ubuhinde. Abanyeshuli nabo bavuga ko biteguye gukoresha ayo mahirwe, kuko n'ubusanzwe u Rwanda rufite abanyeshuli basaga 1000 biga mu Buhinde.

Igihugu cy'ubuhinde gifite kaminuza n'amashuri makuru agera kuri 700 , bakagira abaturage bagera kuri miriyari imwe na miriyoni 300.




Ba wambere gutanga igitekerezo

Tanga igitekerezo:



RSS FEED

Polisi y'u Rwanda yatangije ubukangurambaga bwo kwirinda impanuka zo mu muh

Ibigo bya Isange One-Stop Center bikwiye gushyirwa mu bigo nderabuzima--Sena

Abadepite bo muri Burkina Faso bari mu Rwanda kwiga ku miyoborere n'uburing

Abantu bose baturutse hanze bazajya bahabwa viza bageze mu Rwanda--'Immigra

Uruganda rukora moto mu Rwanda ruvuga ko rukora moto nyinshi kurusha izigurwa

Polisi yasinye amasezerano yo gutera ibiti na ministeri y'ubutaka n'am