Warning: session_start(): open(/tmp/sess_6k91g2m759tnrc4002arec0oq2, O_RDWR) failed: No space left on device (28) in /home/rbaco/public_html/admin/core/init.php on line 2
Umubare w'abagore mu buyobozi ni muto iwacu--Abadepite (Ibirwa bya Maurice)

Umubare w'abagore mu buyobozi ni muto iwacu--Abadepite (Ibirwa bya Maurice)

Yanditswe February, 15 2018 at 15:18 PM | 9353 Views



Abadepite baturutse mu birwa bya Maurice basanga intambwe u Rwanda rwateye mu kwimakaza ihame ry’uburinganire, izabafasha kuzamura umubare w’abagore bari mu nzego zifata ibyemezo ukiri hasi. Mu baministre 25 bagize guverinoma ya Mauritius, 3 gusa ni abagore.

Bwana Veda Baloomoody waje uyoboye iri tsinda ry’abadepite batandatu baturutse mu birwa bya Maurice avuga  ko n’ubwo hari intambwe bamaze gutera, hakiri byinshi byo gukorwa kugirango ihame ry’uburinganire rigerweho. Iyi akaba ariyo mpamvu baje kungurana ibitekerezo na bagenzi babo bo mu Rwanda. Yagize ati, "Nubwo mu mategeko y’igihugu cyacu harimo ibijyanye n’ihame ry’uburinganire hagati y’umugabo n’umugore, mu  ngiro usanga hakiri byinshi byo gukorwa  kugirango umugore ahabwe umwanya ugaragara haba mu bijyanye na politike n’ubukungu. Nk’ubu mu nteko ishinga amategeko yacu mu badepite 70 dufite harimo abagore 8 gusa. Mu baministiri 25 dufite muri guverinoma batatu gusa ni bo b’abagore. Ubwo rero urumva ko tugifite urugendo."

Aba badepite baturutse muri Mauritius bavuga kandi ko hashize igihe gito bashyizeho n’ihuriro rigamije guteza imbere uburinganire mu nteko ishinga amategeko y’icyo gihugu. Kuba baje gusura bagenzi babo bo mu Rwanda, Perezida w’inteko ishinga amategeko umutwe w’abadepite Honorable Donatille Mukabalisa asanga  bizabafasha kunoza imikorere y’iryo huriro bashyizeho. Ati, "...Bari bifuje kuza mu Rwanda kugirango baganire n’abagize ihuriro ry’abanyarwandakazi bari mu nteko ishinga amategeko barebe uburyo ryagiyeho, uburyo rikorana n’izindi nzego mu rwego rw’ibyerekeye gender no guteza imbere umugore bakaba rero bari baje mu Rwanda  babashe kurwigirano kugirango bibashe kubashobora gukora igenemigambi bateganya gukora"

Izi ntumwa za rubanda zo mu birwa bya Maurice zanaganiriye n’abagize ihuriro ry’abagore bari mu nteko ishinga amategeko y’u Rwanda, bakazanasura zimwe mu nzego n’ibigo bya leta bifite mu nshingano kwimakaza uburinganire no guteza imbere umugore muri rusange.



Ba wambere gutanga igitekerezo

Tanga igitekerezo:



RSS FEED

Perezida wa Sena Bernard Makuza yakiriye itsinda ry'abagize inteko ya Seneg

FPR Inkotanyi, PSD na PS Imberakuri bemeza ko amatora agenda neza mu Rwanda

Sena y'u Rwanda yarebeye hamwe amategeko rusange agenga ibigo bya leta

Inzibutso za Jenoside 4 zishobora kujya ku rutonde rw'umurage w'isi

Inteko yumvise ibisobanuro bya MINICOM na MINAGRI ku bibazo bitandukanye

Abantu batagendana indangamuntu bazajya bacibwa amende--Min. Kaboneka Francis

RTV SCHEDULE


Warning: Unknown: open(/tmp/sess_6k91g2m759tnrc4002arec0oq2, O_RDWR) failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/home/rbaco/public_html) in Unknown on line 0