Umuganda: Abaturage basabwe kubungabunga ibikorwa binyuranye bafite

Umuganda: Abaturage basabwe kubungabunga ibikorwa binyuranye bafite

Yanditswe October, 27 2018 at 19:10 PM | 14996 Views



Perezida w'umutwe w'abadepite MUKABALISA Donatille arasaba abaturage b'umurenge wa Gikomero mu karere ka Gasabo, kubungabunga ibikorwa binyuranye bafite, birimo ibiti byatewe uyu munsi, kugira ngo ubuzima bwabo burusheho kuba bwiza. Ibi yabibasabye mu gikorwa cy'umuganda wo kuri uyu wa gatandatu, wanitabiriwe n'abadepite bagize inteko ishinga amategeko nyafurika.

Uyu muganda witabiriwe n'abayobozi banyuranye mu nzego nkuru z'igihugu, barimo perezida wa sena Bernard MAKUZA, perezida w'umutwe w'abadepite MUKABALISA Donatille, abaminisitiri n'abadepite, ndetse n'abadepite bo mu nteko ishinga amategeko nyafurika PAP. Abaturage bemeza ko gukorana umuganda n'abayobozi, bibongerera umurava.

ABATURAGE

Uyu muganda wibanze ku gutera ibiti, hanizihizwa umunsi wo gutera ibiti n'amashyamba, by'umwihariko hakaba hatewe ibiti bivangwa n'imyaka ndetse n'ibitanga imbuto. Perezida w'umutwe w'abadepite MUKABALISA Donatille, yasabye abaturage kubungabunga ibyo biti, kugira ngo barusheho kugira ubuzima bwiza.

Abadepite bagize inteko ishinga amategeko nyafurika PAP nabo bitabiriye ibikorwa by'umuganda, barimo na perezida w'iyi nteko Roger NKODO DANG, bemeza ko umuganda ari igikorwa gifasha abaturage kunga ubumwe biteza imbere, bakabavuga ko n'ibindi bihugu bikwiye gutegura igikorwa nk'iki.

Abaturage batuye mu murenge wa Gikomero, by'umwihariko abatuye mu mudugudu w'ikitegererezo, basabwe no kwita ku isuku no kubungabunga ibikorwa remezo bihari, kwirinda umwiryane, ahubwo bakabana mu mahoro, kugira ngo iterambere rirusheho kwihuta.



Ba wambere gutanga igitekerezo

Tanga igitekerezo:



RSS FEED

Amb.Claver GATETE aranyomoza ibyanditswe ku Rwanda muri PANAMA PAPERS

RTV SCHEDULE