Unity Club igiye gutangiza amahuriro y'ubumwe n'ubwiyunge mu turere n'imirenge

Komisiyo y'Igihugu y'Ubumwe n'Ubwiyunge itangaza ko  intambwe abanyarwanda bamaze gutera mu bijyanye no kwiyunga ishimishije  n'urugendo rwo kubaka ubwiyunge mu banyarwanda bwasenywe mu gihe kirenze imyaka 100 ishize bukaba rukomeje ku rwego rushimishije.

Umuyobozi mukuru ushinzwe ubumwe,  ndi munyarwanda n'ubukangurambaga rusange muri komisiyo y'igihugu y'ubumwe n'ubwiyunge, Johnson Mugaga asanga n'urugendo rugikomeje ashingiye ku kuba uwasenye ubumwe bw'abanyarwanda yarakoresheje igihe kinini.

Ibi Mugaga, yabigarutseho ubwo Umuryango Unity Club na Komisiyo y'Igihugu y'Ubumwe n'Ubwiyunge batangizaga amahuriro y'Ubumwe n'Ubwiyunge mu mirenge n'uturere bigize u Rwanda.

Aya mahuriro azaba amaze gutangizwa mu turere twose tw'igihugu mu gihe kitarenze ibyumweru bitatu.

Umuyobozi wungirije w'Umuryango Unity Club, Dr. Monique Nsanzabaganwa yavuze ko guha umwanya abahoze mu buyobozi n'abakiburimo bizatanga umusanzu w'ibitekerezo kandi ngo nta wabaye muyobozi wagakwiye gucyura igihe.