Yanditswe Apr, 20 2017 15:08 PM | 3,428 Views
Urugereko rw’urukiko rukuru ruburanisha ibyaha
mpuzamahanga n’ibyambukiranya imbibi rwakatiye igifungo cya burundu Bernard Munyagishari wari ukurikiranyweho
ibyaha bya jenoside n'ibyibasiye inyokomuntu. Yahamijwe icyaha cya jenoside
n'icyaha cyo kwica nk’icyaha kibasiye inyokomuntu.
Mbere yo gutangaza
umwanzuro w'urukiko, umucamanza
w'urugereko rw’urukiko rukuru ruburanisha ibyaha mpuzamahanga
n’ibyambukiranya imbibi yabanje gusoma ku buryo burambuye inyandiko igaragaza
uruhare rwa Bernard Munyagishari mu byaha aregwa
Urukiko rwagaragaje ko Munyagishari wari ukuriye ishyaka rya MRND mu cyahoze ari perefegitura ya Gisenyi yanakoreyemo ibyaha aregwa, yagize uruhare rutaziguye mu gutegura umugambi wo kwica abatutsi akanajya no mu bitero bitandukanye byabahigaga.
Rusobanura ko Munyagishari yitabiriye inama zitandukanye zacurirwagamo umugambi wo kwica abatutsi agaha urubyiruko rw'interahamwe amabwiriza yo kubica no gufata abagore ku ngufu, kandi ngo akajya i kigali kubashakira ibikoresho byo kubicisha birimo imihoro, amagrenade n'ibindi.
Munyagishari ngo wari ukuriye Interahamwe zo mu mujyi wa Gisenyi, yatwaraga abatutsi bafatiwe ku mabariyeri akabajyana ahitwaga komine rouge ari naho bicirwaga, agatanga amabwiriza yo gucukura ibyobo byo kubashyiramo, ndetse akanashyiraho amatsinda y'abashoferi bagombaga kubamutwaza.
Urukiko rwavuze ko rushingiye ku bukana bw'ibikorwa bya Munyagishari byari bigamije kwica no kurimbura abatutsi, ndetse n'uburemere by'ingaruka zabyo, bigize impurirane y’icyaha cya Jenoside n'icyaha cyo kwica nk'icyaha kibasiye inyokomuntu rutegeka ko afungwa burundu.
Ku bijyanye n'icyaha cyo gufata abagore ku ngufu, urukiko rwavuze ko ubushinjacyaha butabashije kugaragaza ibimenyetso bifatika rutangaza ko uregwa ahanaguweho iki cyaha.
N'ubwo Munyagishari atari mu rubanza kubera ko yarwikuyemo nyuma yo kunenga inteko yamuburanishaga, abunganizi be Maitre Bikotwa Bruce na Maitre Jeanne D'Arc Umutesi bahagarariye inyungu z'ubutabera kuko we atabemera, bahise bajuririra umwanzuro w'urukiko.
Bernard Munyagishari wakunze kuburana mu rurimi rw'igifaransa yatawe muri yombi muri Gicurasi 2011 muri Repubulika Iharanira Demokarasi ya Kongo ashyikirizwa Urukiko mpuzamahanga mpanabyaha rwashyiriweho u Rwanda ICTR, narwo rwamwohereje kuburanishirizwa mu Rwanda muri Nyakanga 2013.
U Rwanda rwongeye kugaragaza ko rwiteguye kwakira abimukira bazava mu Bwongereza
Apr 23, 2024
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru