AGEZWEHO


Tatiana umugore ufite icyokezo cyigaruriye abakiriya benshi muri Nyamagabe

Yanditswe January, 20 2014 at 08:41 AM | 4779 Views



Ubundi byari bimenyerewe ko abokora akazi ko kotsa inyama abo bita ba Mchomaji ari ab’igitsina gabo, ariko Mukeshimana Tatiana ukorera muri centre y’ubucuruzi ya Gasarenda mu murenge wa Tare mu karere ka Nyamagabe, yasanze nta murimo ugomba guharirwa abagabo gusa mu gihe n’abagore babishoboye, maze yegera icyokezo cye nyuma yo gushinga akabari. Nsanze Mukeshimana Tatiana mu cyokezo, yambaye itaburiya yera afite icyuma mu ntoki, agityaza ku kindi. Arakata inyama akazitunga ku mishito maze akazishyira ku mbabura y’amakara yamaze gufatwa Nk’uko Mukeshimana Tatiana abitangaza ngo akimara gusezera mu kazi ko kwigisha mu mwaka wa 2008, yihangiye umurimo w’akabari, abanza gukoresha abandi bakozi ariko aza gusanga bikwiye ko kugira ngo imirimo ye igende neza ari uko yajya ayikorera. Mukeshimana Tatiana bakunze kumwita Darfour akazina k’akabyiniriro, ngo kaba karakomotse ku basirikare bigeze kuhakorera ubusabane bakubutse mu butumwa bw’amahoro i Darfour, amaze kubakira no kubaha serivisi nziza bakajya babyibuka maze izina rimufata gutyo. Mukeshimana agitangira uwo mwuga wo kotsa ihene, ngo abandi bagore babanje kumubona ukundi, ariko we areba kure arenga iyo mitekerereze, arakomeza none ngo ubu ageze ahashimishije Abafatira amafunguro mu kabari ka Mukeshimana bavuga ko service ze ari nta makemwa Ubuyobozi bw’akarere ka Nyamagabe hamwe n’inama y’igihugu y’abagore ntibuhwema gushishikariza by’umwihariko abagore gutinyuka imirimo bakiteza imbere. Muri urwo rwego Mukeshimana Tatiana mu kwezi kwa Nzeri umwaka ushize, aherutse guhabwa igihembo nk’uwabashije kwiteza imbere.


Ba wambere gutanga igitekerezo

Tanga igitekerezo:



RSS FEED

Ubumwe n’ubwiyunge niwo musemburo w’iterambere-PM Murekezi

Ministre w'intebe Murekezi yarahije abacamanza b'urukiko rwa gisirikar

Perezida Kagame yagejeje kuri komisiyo y'amatora kandidature ye

Gatsibo: Abagabo 30 bafungiwe gucukura Gasegereti bihabanyije n'amategeko

Guhabwa service nziza ni uburenganzira bw’abanyafurika- PM Murekezi

Perezida Kagame yasuye uruganda rutunganya ibyuma bishaje muri Zambia