ABADIPLOMATE BIFATANYIJE N'U RWANDA MU KWIBUKA25

Abahagarariye ibihugu byabo mu Rwanda n'abahagarariye imiryango mpuzamahanga inyuranye bari mu gikorwa cyo kwibuka ku nshuro ya 25 Jenoside yakorewe Abatutsi mu Rwanda muri Mata 1994.

Minisitiri w'Ububanyi n'Amahanga n'ubutwererane Ambasaderi Dr. Richard Sezibera yashimiye amahanga uburyo yabanye n'u Rwanda muri iyi myaka 25 ishize.

Yashimiye ibihugu byagize uruhare mu guta muri yombi abagize uruhare muri Jenoside ndetse no kubaburanisha cyangwa kubohereza mu Rwanda arko anenga ibihugu bikigaragaza intege nke.

Basabwe gushyigikira u Rwanda murugamba rwo kurwanya abapfobya Jenoside yakorewe Abatutsi.

Abahagarariye ibihugu byabo mu Rwanda n'imiryango mpuzamahanga basabwe kwirinda gukoresha amagambo n'inyito b'ipfobya Jenoside no gupfobya imibare nkuko bigaragara mu bihugu bimwe na bimwe.

Inzandiko zisaga 900 zisaba guta muri yombi abakoze Jenoside zimaze guhabwa ibihugu bigera kuri 33 hirya no hino ku Isi.

Inkuru ya Bosco Kwizera