ABASIRIKARE BARI MU MAHUGURWA Y’AMAHORO BASUYE URWIBUTSO

ABASIRIKARE BARI MU MAHUGURWA Y’AMAHORO BASUYE URWIBUTSO

Yanditswe May, 08 2019 at 18:45 PM | 7291 Views



Abasirikare n’abapolisi bakuru 28 bari mu mahugurwa mu ishuri ry’amahoro n’umutekano, Rwanda Peace Academy kuri uyu wa Gatatu basuye urwibutso rwa jenoside rwa Kigali.

Basobanuriwe amateka ya jenoside yakorewe abatutsi, ariko n’uburyo u Rwanda rwashoboye kongera kwiyubaka, rushyira imbaraga mu bumwe n’ubwiyunge.

Aba basirikare n’abapolisi bari guhabwa amahugurwa ku birebana no kurinda abasivili bari mu bice biberamo intambara hirya no hino ku isi, mu gihe bari mu butumwa bw’amahoro bw’umuryango w’abibumbye.


Bavuga ko gusuru urwibutso rwa jenoside rwa Kigali, byabafashije kumva uburemere bwa jenoside yakorewe abatutsi, bakabona uburyo abasivili igihe cyose aribo barengana cyane.

Bavuga ko byabahaye isomo ku buryo bwo gutabara igihe cyose, kuko icyo abasivili bakeneye ari ukubaho mu mahoro.

Abarimo guhugurwa baturuka mu bihugu 13, birimo iby’aha muri Afrika no ku yindi migabane y’isi. Ni amahugurwa agenewe abazahugura abandi mu bihugu byabo ku buryo bwo kurinda no kurengera abasivili.



Ba wambere gutanga igitekerezo

Tanga igitekerezo:



RSS FEED

AMAFOTO - Abasirikare bashya basabwe kurangwa n'umurava muri RDF