ABUNZI MURI NGOMA BAHAWE AMAGARE BEMEREWE NA PEREZIDA

Abunzi b’utugari mu karere ka Ngoma, 384 kuri uyu wa kane bashyikirijwe amagare bahawe na perezida wa Repubulika y’u Rwanda Paul Kagame, baravuga ko aya magare agiye kuborohereza mu nshingano zabo zo kunga abanyarwanda.

Kuri uyu wa Kane tariki 2 Gicurasi 2019 abunzi bari basigaye badahawe amagare bayashyikiriye.

Ni mu gihe komite z’abunzi ku mirenge bo bayabonye mu 2017 mu cyiciro cya mbere ndetse n’abahagarariye komite z’abunzi ku tugari.

Abunzi bahawe amagare bibukijwe ko batagomba kuyagurisha.

Amagare aje yiyongera kuri telefone abunzi bamaranye imyaka hafi itatu, bamwe bakavuga ko zanashaje, bijejwe ko bagiye guhabwa izindi.

Imibare itangwa na Habiyaremye Hubert, Umuhuzabikorwa w'ibiro bitanga ubujyanama mu by’amategeko, bikanakurikiranira hafi imikorere y’abunzi, igaragaza ko  mu karere ka Ngoma abunzi bose  hamwe ari 546.