AMAFOTO: Perezida Kagame yitabiriye irahira rya Perezida Filipe Nyusi wa Mozambique

Perezida wa Repubulika Paul Kagame ari kumwe n’abandi bakuru b’ibihugu n’abayobozi ba za guverinoma kuri uyu wa Gatatu, bitabiriye ibirori by’irahira rya Perezida wa Mozambique Filipe Nyusi.

Nyuma y’ibirori byaranzwe n’akarasisi ndetse n’imbyino gakondoi zicyo gihugu, abo banyacyubahiro bakiriwe ku meza na mugenzi wabo wa Mozambique Filipe Nyusi .

Perezida Nyusi wo mu ishyaka rya Frelimo yongeye gutorerwa kuyobora iki gihugu n’amajwi 73 ku ijana mu matora yabaye mu kwezi kwa 10 k’umwaka ushize.

U Rwanda na Mozambique bifitanye umubano mwiza kuko a runaheruka gufungura ambasade i Maputo.

Muri Nyakanga 2019, Perezida Filipe Nyusi yagiriye uruzinduko rw’akazi mu Rwanda ari na bwo byatangajwe ko u Rwanda rugiye gufungura ambasade muri iki gihugu.

Umubano w’ibihugu byombi ushingiye ku masezerano y’ubufatanye n’ubuhahirane mu buhinzi, ubwikorezi n’ibindi.