AMAFOTO: APR FC yatsinze RAYON SPORTS mu mukino wari ukomeye

Ku munsi wa kane wa Shampiyona y' u Rwanda Primus National League, umukono ukaze wahuzaga ikipe ya APR FC na RAYON SPORTS, warangiye  ikipe ya APR itsinze ku bitego 2-1.

Ni ibitego byinjiye byose mu gice cya mbere aho ikipe ya Rayon Sports ariyo yabanje gutsinda igitego cyinjijwe na Onama Willy Leandre ukomoka mu gihugu cya Kameruni.

ikipe ya APR yishyuriwe na Imanishimwe Jabel, icya kabiri cyinjizwa na Ruboneka Jean Bosco.

Mu yindi mikino yabaye, ikipe ya Kiyovu Sports yatsinze Gicumbi igitego 1- 0, mu gihe Gasogi United nayo yihereranye Bugesera ikaba imaze kuyitsinda ibitego 2-1.

Nyuma y'umunsi wa kane wa Shampiyona, Gasogi United iri ku mwanya wa mbere n'amanota 10 n'imikino ine imaze gukina, AS Kigali iri ku mwanya wa kabiri n'amanota 9 mu mikini itatu, mu gihe APR FC iri ku mwanya wa Gatatu n'amanota 9 mu mikino nayo itatu.