APR FC yegukanye igikombe cya 19 cya shampiyona

Ikipe ya APR FC yegukanye igikombe cyayo cya 19 cya shampiyona nyuma yo kunyagira ikipe ya Rutsiro Fc ibitego 6-0, mu mukino waberaga mu karere ka Huye.

Ni umukino utigeze ugora APR FC cyane ko Rutsiro yakinaga ibura bamwe mu bakinnyi bayo basanzwemo.

Ni igikombe APR FC yegukanye idatsinzwe mu mikino 13 yakinnye, kibaka kandi icya kabiri mu buryo bwikurikiranyije idatsinzwe umukino n'umwe.

Gutsinda kwa APR FC kwahuriranye n'uko ikipe ya As Kigali bari bahanganiye ku gikombe  nayo yatsindaga ikipe ya Police FC ibitego 2-0, mu mukino waberaga i Muhanga, bituma irangiza ku mwanya wa kabiri inyuma ya APR FC, izi zombi zikaba zizaserukira u Rwanda mu mikino nyafurika.

Mu yindi mikino yabaye  kuri uyu wa Gatanu, Marine Fc yatsinze Bugesera ibitego 2-1, mu gihe Espoir nayo yatsindaga Rayon Sport ibitego 3-1