Yanditswe Jul, 30 2020 08:36 AM | 59,887 Views
Inteko Rusange y'Umutwe w'Abadepite, irasaba Minisiteri y'Ubutegetsi bw'Igihugu kunoza uburyo abakozi bashinzwe ubuhinzi n'abashinzwe ubworozi mu mirenge bakurikiranwa. Yanasabye Minisiteri y'Ubuhinzi n'Ubworozi kubongerera ubushobozi, kugira ngo bashobore gutanga umusaruro bategerejweho wo guteza imbere izi nzego.
Iyi myanzuro ije ikurikira iyo inteko rusange ry'Umutwe w'Abadepite yari yagejeje kuri guverinoma muri mutarama 2019, iturutse kuri raporo yagaragazaga uko umusaruro ukomoka ku buhinzi n'ubworozi uboneka, uko utunganwa, uko ugezwa ku isoko n'akamaro ufitiye abaturage.
Perezida wa komisiyo y'ubutaka, ubuhinzi, ubworozi n'ibidukikije depite Nyirahirwa Veneranda agaragaza ko hari imyanzuro batanyuzwe n'uko yashyizwe mu bikorwa, harimo n'urebana n'imikorere y'abashinzwe ubuhinzi n'abashinzwe ubworozi bategera abaturage uko bikwiye.
Yagize ati "Guverinoma mu bisubizo yatanze, yagaragaje ko hatanzwe moto 133 kuri ba agronomes 71 na ba veterinaires 62. Komisiyo icyo yari yagaragaje nk'ikibazo muri raporo ni uko aba ba agronomes na ba veterinaires bategeraga abo bashinzwe uko bikwiye. Imwe mu mpamvu yabiteraga bagaragazaga ko inzego z'ibanze zibaha akazi kandi katari ako bashinzwe."
Ikindi iyi komisiyo yagarutseho itanga iyi raporo, ni uko Minisiteri y'Ubutegetsi bw'Igihugu igaragaza ko mu bijyanye n'ubuhinzi n'ubworozi hakigaragara ibibazo, ngo bikaba ari ngombwa ko bitaharirwa abashinzwe ubuhinzi n'ubworozi gusa. Ibi ariko abadepite babigaragajeho impungenge.
Depite Rutayisire Georgette yagize ati "Ngo hari ukunoza imikorere n'imikoranire y'abakozi bose b'akarere, bagafatanya. Ko buri mukozi aba afite inshingano ze, bazafata wenda umukozi ushinzwe ibikorwaremezo bamujyane mu buhinzi n'ubworozi? Akomeza anagaragariza komisiyo, ko ba agronomes na ba veterinaires bajya mu yindi mirimo, atari cyo kibazo. Ni ikibazo ahubwo gikomeye. None se waba utatunganyije ibyo ushinzwe, ukajya mu yindi mirimo?"
Inteko rusange yemeje ko mu mezi 3, Minisiteri y'Ubutegetsi bw'Igihugu igomba gusaba inzego z'ibanze kunoza uburyo bwo gukurikirana abakozi bashinzwe ubuhinzi n'abashinzwe ubworozi, kugira ngo barusheho kwegera abahinzi n'aborozi ariko hakanakorwa isesengura ryimbitse ku mpamvu aba bakozi bategera abaturage uko bikwiye kandi barahawe inyoroshyangendo.
Ni mu gihe Minisiteri y'Ubuhinzi n'Ubworozi yo yasabwe kubaka ubushobozi bw'aba bakozi hagamijwe gukemura ibibazo bikigaragara.
Jeannette UWABABYEYI
Kuki Intara y'Amajyaruguru ikomeje kugaragaramo ibipimo biri hejuru mu bana bafite imirire mibi ...
Mar 27, 2024
Soma inkuru
MINEMA yasobanuye uko ikomeje gufasha abibasiwe n'ibiza biheruka kwibasira uduce tumwe tw' ...
Mar 27, 2024
Soma inkuru
Abanyamategeko 188 barangije amasomo y'Ubuhuza basabwe kugabanya umubare w'Imanza mu Nkiko
Mar 27, 2024
Soma inkuru
Bugesera: Abaturage basaga ibihumbi 40 bahawe amazi meza
Mar 27, 2024
Soma inkuru
Leta yatangiye kubarura inyubako zayo zidakorerwamo kugira ngo zibyazwe umusaruro
Mar 27, 2024
Soma inkuru
Asaga miliyari 417 Frw yashyizwe muri gahunda zo gufasha abarokotse Jenoside mu myaka 30
Mar 27, 2024
Soma inkuru
Haba hari umuti urambye wa gatanya zishingiye ku mitungo?
Mar 27, 2024
Soma inkuru
Perezida Kagame yakiriye abanyeshuri n’abarimu ba Kaminuza ya Stanford
Mar 26, 2024
Soma inkuru