Yanditswe Oct, 03 2022 17:24 PM | 78,701 Views
Abaguzi b’ibiribwa byahenze muri iki gihe, baravuga ko hari ibyo baretse
kugura cyangwa bakagabanya ingano y’ibyo bahaha, ndetse abandi bo bashaka
ibihendutse byo kubisimbuza. Abakora mu bijyanye n’ubukungu bemeza ko guhindura
imyitwarire ku baguzi bitewe n’uko ibiciro bihagaze ari inama nzima abaguzi
baba bigiriye.
Hashize iminsi ku masoko anyuranye yo mu Rwanda hagaragara izamuka ry'ibiciro by’ibirayi n'ibishyimbo, ibiribwa bikunze kuba mu by’ibanze mu mafunguro. Kuri ubu n’ababicuruza bemeza ko bigura umugabo bigasiba undi.
Muri iki gihe ibiciro by'ibirayi n'ibishyimbo byikubye inshuro hafi 2 kandi mu gihe gito, hari bamwe basanze bigoye kubyigondera, bahitamo kugabanya ingano y'ibyo bahahaga, abandi babisimbuza ibindi biribwa.
Abasesengura ibirebana n'ubukungu bagaragaza ko hari impamvu nyinshi zatumye ibiciro muri rusange bizamuka zirimo ingaruka za covid 19 zakomye mu nkokora uburyo bw'imikorere.
Intambara yo muri Ukraine na yo yateye ingaruka zihariye cyane cyane ku nyongeramusaruro n’ubwikorezi bw'ibicuruzwa hakazamo n’ihindagurika ry'ibihe (climate change) ryagabanije umusaruro wa bimwe mu bihingwa, ari yo mpamvu abaguzi baba bakwiye kumenya ibyo bahitamo igihe bagiye guhaha.
Minisitiri w'imari n'igenamigambi Dr Uzziel Ndagijimana ajya inama y’uko abaguzi bagira imyitwarire ijyanye n'uko ibiciro bihagaze ku isoko.
Ubuhinzi mu Rwanda bwari bwihariye uruhare rwa 25% by'umusaruro mbumbe wose w'igihugu mu gihembwe cya 2 cy'uyu mwaka. Gusa umusaruro wabwo ushingira ku buryo imvura n’izuba bisimburana. Ikigo cy'igihugu gishinzwe ubumenyi bw'ikirere giherutse gutangaza ko muri iki gihembwe cy'ihinga cy'umuhindo imvura itazaba ihagije nk'uko bisanzwe bimenyerewe muri iki gihembwe cyane ko ari cyo kibonekamo umusaruro utubutse ugereranije n'ibindi bihembwe.
Jean Claude Mutuyeyezu
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru