Abakora imishinga irebana n'ubutaka barasabwa kurengera ibidukikije

Abakorera imishinga ku butaka no munsi ya bwo barasabwa kujya barushaho kububungabunga kandi bagasesengura n'ingaruka zishobora guturuka kuri iyo mikoreshereze y'ubutaka. Ibi barabisabwa n'ikigo cyo kubungabunga ibidukikije, mu gihe abadepite bagize komisiyo y'ubuhinzi, ubworozi n'ibidukikije mu nteko ishinga amategeko barimo gusesengura ingingo zigize umushinga w'itegeko ryo kubungabunga ibidukikije risimbura iryari risanzweho ryo mu 2005.

Abaturiye imishinga y'ubucukuzi bw'amabuye y'agaciro na kariyeri basanga kubungabunga imigezi, gusubiranya ahacukuwe no gutera ibiti ari bimwe mu bikwiye kwitabwaho mu gihe abashyira mu bikorwa bene iyo mishinga batangiye cyangwa barangije akazi kabo:

Ibyo kubungabunga ahakorewe ubucukuzi ku butaka ndetse n'ikuzimu, biteganywa no mu mushinga w'itegeko rishya ryo kubungabunga ibidukikije risimbura irya risanzweho kuri ubu ririmo gusuzumirwa muri Komisiyo y'ubuhinzi, ubworozi n'ibidukikije.  

Nyuma yo kuvugurura itegeko nshinga, byagaragaye ko iri tegeko ryo kubungabunga ibidukikije ritakomeza kuba itegeko ngenga ahubwo ryaba itegeko risanzwe. Ikindi cyatumye rivugururwa ni uko ibijyanye n'imihindagurikire y'ikirere nabyo byakwitabwaho kuko bitavugwaga mu itegeko risanzweho. 

Inkuru mu mashusho: