Abakuru b'ibihugu na za guverinoma 35 bategerejwe mu nama ya CHOGM

AGEZWEHO

  • Guverinoma yashimiye abatuye i Nyaruguru uruhare rwabo mu umutekano – Soma inkuru...
  • Intambara ya M23 na Congo ntigomba kubazwa u Rwanda- Perezida Kagame – Soma inkuru...

Abakuru b'ibihugu na za guverinoma 35 bategerejwe mu nama ya CHOGM

Yanditswe Jun, 17 2022 19:17 PM | 198,399 Views



Minisiteri y’Ububanyi n’Amahanga yatangaje ko abakuru b'ibihugu na za guverinoma 35 aribo bategerejwe mu nama y’abakuru bibihugu na za Guverinoma bigize umuryango w’ibihugu bikoresha ururimi rw’icyongereza izwi nka CHOGM, izaba mu cyumweru gitaha.

Mu kiganiro n'abanyamakuru kibanze kuri iyi nama ya CHOGM, minisiteri y'ububanyi n'amahanga yashimangiye ko ibintu byose biri ku murongo mu kwakira iyi nama ikomeye izitabirwa n’abantu bagera ku bihumbi 5,nk'uko byasobanuwe n'umunyamabanga wa Leta muri iyi minisiteri, Prof Nshuti  Manasseh.

Iyi nama ibaye yarabanje gusubikwa inshuro 2 zose kubera icyorezo cya Covid19 cyari cyugarije isi, gusa ubu cyagabanyije ubukana hirya no hino. Umunyamabanga wa Leta minisiteri y’ubuzima, Dr Mpunga Tharcisse avuga ko hashyizweho ingamba zikomeye zo kurinda abazitabira iyi nama.

Ni inama izabera mu Mujyi wa Kigali, umuyobozi w'Umujyi, Pudence Rubingisa asaba abaturage gukomeza ibikorwa byaybo kandi bagatanga serivisi nziza kubazabagana.

Mu gihe serivisi za hoteli ari zimwe mu zo abazitabira iyi nama bazakenera cyane, Umuyobozi wungirije w'urwego rushinzwe iterambere RDB, Niyonkuru Zephanie nawe yagaragaje ko urwego rw’amahoteli rwateguwe bihagije.

Minisiteri y'ububanyi n’amahanga ivuga ko iyi nama izafasha cyane u Rwanda ariko kandi n'ibihugu byose muri rusange.

Muri iyi nama ya CHOGM hanateganyijwe ihuriro ry’urubyiruko rwo mu bihugu bigize commonwealth, ihuriro ry’abagore, ry’abacuruzi, Iry'imiryango itari iya leta Peoples Forum ndetse n'ibindi bikorwa by'imyidagaduro nk’ibitaramo by’umuziki n’imikino itandukanye.

Fiston Felix Habineza



Ba uwambere gutanga igitekerezo

Tanga igitekerezo:



RSS FEED

Umuryango AVEGA-Agahozo uvuga ko mu minsi 100 yo kwibuka Jenoside intego bari bi

Imiryango 30 yo muri Muhanga yakemuriwe ikibazo cy’icumbi mu 2021-2022

Abavuga ko Gaz ihenze kurusha amakara babiterwa no kudasobanukirwa- Dr Mujawamar

Abanyarwanda baba muri Mozambique bakoze umuganda rusange mu kwizihiza umunsi wo

Bamwe mu baturage batewe impungenge n’imibare y’abandura Covid-19 it

Huye: Ingo 3000 zo muri Mbazi zahawe amazi