AGEZWEHO

  • Abadepite batangiye gusuzuma umushinga w'itegeko witezweho kongerera ububasha Polisi – Soma inkuru...
  • Ku munsi mpuzamahanga wa mwalimu mu Rwanda abarimu bishimiye ko leta yita ku mibereho yabo – Soma inkuru...

Abana bafite imyaka iri hagati 5 na 11 bagiye gukingirwa icyorezo cya Covid-19

Yanditswe Sep, 16 2022 19:13 PM | 148,585 Views



Minisiteri y'Ubuzima yatangaje ko mu ntangiriro z'ukwezi gutaha kwa 10 abana bafite imyaka iri hagati 5 na 11 bazatangira gukingirwa icyorezo cya Covid-19, ni amakuru ababyeyi bavuga ko bishimiye kuko iki gikorwa kigaragaza uburyo Leta yita ku baturage ishinzwe.

Tariki 03 z'ukwezi gutaha nibwo igikorwa cyo gukingira covid-19 abana bafite imyaka iri hagati ya 5 na 11 kizakorwa. 

Minisiteri y'ubuzima ivuga ko abana bari muri iki cyicyiro bazahabwa urukingo rwa Covid-19 rwagenewe abana, nk'uko umunyamabanga wa Leta muri Minisiteri y'ubuzima Dr Mpunga Tharcisse yabitangaje.

Ababyeyi bavuga ko bishimiye iki gikorwa cyo gukingira covid19 abana bari hagati y'imyaka 5 na 11, ibi bakabiterwa n'umusaruro waturutse ku kwikingiza covid-19.

Ahobantegeye Leoncia ati "Mu by’ukuri numva ari ibintu byiza kuko niba nanjye narikingije nkumva bigize umumaro ndumva n’abana bagomba kwikingiza ntakibazo, nk’uko twabakingije za nkingo zose za kera bajya bakingirwa ukabona nta ngaruka umwana agize kandi natwe twikingije covid nta ngaruka byagize ubwo rero bigaragara ko abantu bose bakeneye izo nkingo.".

Dr Mpunga Tharicisse ashishikariza ababyeyi kuzitabira gahunda yo gukingiza abana.

Iki gikorwa cyo gukingira abana kikorerwa ku mashuri mu ntangiriro z'igihembwe nyuma y'ibiganiro bizahuza Minisiteri y'ubuzima, abarezi n'ababyeyi. Usibye Afurika y'Epfo yatangiye gukoresha izi nkingo z'abana n'u Rwanda rugiye gutangira gukingira abana nta kindi gihugu cy'Afrika kiratangira gahunda yo kukingira abana. 

Minisiteri y'ubuzima ivuga ko gukingira abaturage bigeze ku kigero cya 99% abarenga 70% nibo bamaze gufata urukingo rwo gushimangira mu gihe abamaze gufata urukingo rwa kabiri rwo gushimangira bafite imyaka guhera kuri 60 kuzamura bo bageze kuri 30% Minisiteri y'ubuzima ikavuga ko bitarenze mu kwezi kwa 2 umwaka utaha bazaba bamaze gukingirwa bose.




Ba uwambere gutanga igitekerezo

Tanga igitekerezo:



RSS FEED

Abadepite batangiye gusuzuma umushinga w'itegeko witezweho kongerera ububas

Ku munsi mpuzamahanga wa mwalimu mu Rwanda abarimu bishimiye ko leta yita ku mib

Bamwe mu bagize umuryango w’Ubwami bw’u Bwongereza basuye urwibutso

Minisiteri y'Ibidukikije yahagurukiye ikibazo cy’imiswa yangiza imyak

MINALOC yasabye abayobozi b'inzego z'ibanze baherutse gutorwa kwirinda

Imibare y'abanyeshuri bava mu mashuri yigenga bakajya mu mashuri ya Leta ik