Abanyeshuli b'amashuli abanza bakoze ikizamini cya leta bizeye gutsinda

Mu gihugu hose abanyeshuli basaga ibihumbi 230 batangiye ibizamini bya Leta bisoza amashuri abanza. Abitabiriye ibi bizamini ndetse n'abarimu babafashije kubyitegura baravuga ko biteguye umusaruro mwiza.

Mu gitondo cyo kuri uyu wa mbere ni bwo abanyeshuri biteguraga kwinjira mu byumba by'ibizamini. Mu mabwiriza bahawe mbere yo gutangira ibizamini harimo cyane kwirinda gukopera, no kubahiriza igihe mu byo bakora byose.

Muri uyu mwaka abanyeshuli bakoze ikizamini mu gihugu hose ni 237.181, bakaba bariyongereyeho 42.502 ni ukuvuga 25% ugereranyije n'umwaka ushize wa 2016. Abakobwa ni 130.787 bakaba bariyongereyeho 29.423 Ni ukuvuga 33% ugereranyije n'umwaka ushize. Naho abahungu ni 106,394 biyongereyeho 13.079, ni ukuvuga 17%.

Ibigo by'amashuli bifite abarangiza umwaka wa 6 nabyo byiyongereye 91 ni ukuvuga 3%, aho kuri ubu bigeze ku 2, 717. Mu gihe ibigo  bikorerwamo ibizamini na byo byiyongereyeho 31 ni ukuvuga 4% ugereranyije n'umwaka ushize wa 2016, aho kuri ubu bigeze kuri 858.

Inkuru irambuye mu mashusho: