Yanditswe Feb, 24 2022 17:19 PM | 51,267 Views
Abasenateri
basabye Minisiteri y'Ubumwe bw'Abanyarwanda n'Inshingano Mboneragihugu
(MINUBUMWE) gushyira imbaraga mu bikorwa byo guhangana n'abapfobya jenoside
yakorewe abatutsi kuko ngo bikomeza guha urwaho abagifite ingengabitekerezo ya
jenoside.
Ibiganiro byahuje iyi minisiteri n'abasenateri byari bigamije kugaragaza intego n'inshingano zayo kuko imaze amezi 6 ishyizweho. Sena isanzwe igenzura iyubahirizwa ry'amahameremezo mu nzego zitandukanye za Leta.
Ibigo birimo Komisiyo y'igihugu yo kurwanya jenoside (CNLG), ikigega gitera inkunga abarokotse jenoside batishoboye (FARG), komisiyo y'igihugu y'ubumwe n'ubwiyunge n'itorero ry'igihugu byakuweho maze inshingano zabyo zihabwa Minisiteri y'Ubumwe bw'Abanyarwanda n'Inshingano Mboneragihugu.
Ministre w'iyi minisiteri Dr Bizimana Jean Damascene asobanura ko guhuza ibi bigo bifite inyungu ikomeye mu ihuzabikorwa cyane ko bihuriye ku mateka y'igihugu.
Kubungabunga amateka y'igihugu, gushimangira ubumwe bw'abanyarwanda, uburere mboneragihugu, ni zo ntego z'iyi ministeri yahawe izina rya MINUBUMWE mu mpine.
Ifite inshingano 26 aho izigera kuri 18 zifitanye isano n'amateka ya jenoside yakorewe abatutsi. Ubushakashatsi ku mateka y'igihugu yaba aya hafi n'aya kera, gusigasira no kubungabunga aya mateka ni bimwe mu bikorwa iyi ministeri ivuga ko ishyize imbere.
Yitezweho kwita by'umwihariko ku kubungabunga amateka ya jenoside no kubika hifashishijwe ikoranabuhanga ibimenyetso byayo, ubuhambya inyandiko z'imanza za jenoside n'ibindi.
Abasenateri basabye ko hashyirwa imbaraga mu kurwanya abapfobya jenoside yakorewe abatutsi bamwe bari no mu bihugu by'amahanga bifashisha ikoranabuhanga n'ababa
MINUBUMWE isanga hari ingingo zigomba gukomeza kwitabwaho no gushyigikirwa uhereye mu nzego zo hasi nk'itorero ry'igihugu, umuco w'ubudaheranwa (community resilience) kugira ngo igihugu kizagire abagikunda kandi bacyitangira mu bihe byose.
Minisiteri Dr Bizimana avuga ko inshingano z'iyi ministeri zizashoboka uko bikwiye ku bufatanye bw'inzego zose.
Abasenateri batanze igitekerezo cyo gushyiraho amasomo kugeza no muri kaminuza, hakigishwa amateka y'igihugu uhereye mu mashuri abanza ndetse abarimu bagahugurwa ku myigishirize y'amateka y'igihugu kuko hari abatinya kuyigisha.
Jean Claude MUTUYEYEZU
Urubyiruko rwavutse nyuma ya Jenoside rugeze he rwigishwa amateka yaranze u Rwanda?
Apr 24, 2024
Soma inkuru
Musanze: Hatangijwe igikorwa cyo gusuzuma kanseri y’inkondo y’umura ku bafite hagati y ...
Apr 24, 2024
Soma inkuru
Ingabo z'u Rwanda n’iza Jordanie zaganiriye ku kubyutsa imikoranire mu bya gisirikare
Apr 24, 2024
Soma inkuru
U Rwanda rwongeye kugaragaza ko rwiteguye kwakira abimukira bazava mu Bwongereza
Apr 23, 2024
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru