Yanditswe Nov, 29 2021 07:50 AM | 94,441 Views
Abasirikare 150 b'abaholandi baje gukorera imyitozo
mu Rwanda, kuri iki Cyumweru basuye Urwibutso rwa Jenoside rwa Kigali ku
Gisozi,bunamira inzirakarengane ziharuhukiye.
Mu gitondo cyo kuri iki Cyumweru abo basirikare 150 ni bwo bageze ku Rwibutso rwa Jenoside rwa Kigali ruri ku Gisozi baje kuhasura ngo banasobanurirwe amateka yahoo.
Bashyize indabo ku mva zibitse imibiri y'abasaga ibihumbi 250 yabishwe muri Jenoside yakorewe Abatutsi mu Rwanda ndetse baranabunamira
Mu gitabo cy'abashyitsi, Umuyobozi wiri tsinda Lt. Col. Maikel Vrenken yanditse amagambo yihanganisha Abanyarwanda ndetse anashyikiriza ubuyobozi bw'Urwibutso amayero ibihumbi 2.
Mu kiganiro yagiranye na bo basirikare, Lt. Col. Maikel Vrenken yagize ati “Kuri uyu munsi, twe abasirikare b'igihugu cy'u Buholandi duhagaze hano kugira ngo duhe icyubahiro inzirakarengane zazize Jenoside yakorewe Abatutsi kugira ngo batazibagirana ndetse no kwibutsa ko inshingano z'abasirikare ari uguharanira umutekano w'abaturage n'ibyabo. Twahisemo gufata imbunda kugira ngo duharanire ko isi igira umutekano, turinda abatishoboye no kurengera amahame ya demokarasi.”
Uhagarariye u Buholande mu Rwanda Ambasaderi Matthijs Wolters yanenze abasirikare muri leta yakoze Jenoside kuba baratatiye igihango bakora ibinyuranyije nibyo barahiriye ariko ashimira ingabo zahoze ari iza FPR-Inkotanyi ubutwari zagize muguhagarika Jenoside yakorerwaga Abatutsi.
Yagize ati “Ni abasirikare ba leta yavuyeyo bafashe iyambere mu bwicanyi bituma baba abasirikare bahakanye ku bwende impamvu zabo zo kubaho zirimo kurinda abantu. Ku rundi ruhande byanasabye imbaraga n’ubushake bw'ingabo za FPR kugira ngo Jenoside ihagarikwe. Ndishimira ko ingabo z'igihugu RDF baduhaye amahirwe yuko umutwe wa 43 w'abasirikare bakoresha imbunda nini bo mu ngabo z'igihugu cy'u Buholande kwimenyereza no kubaka ubushobozi bwabo bongera imyiteguro yabo.”
Umuvugizi w'ingabo z'u Rwanda Col. Rwivanga Ronald avuga ko ibi ari ishema ku Rwanda kubona itsinda nk'iri rihitamo kuza gukorera imyitozo yabo mu Rwanda bitewe n'ikirere cyiza ndetse n'ibikoresho bihagije igihugu gifite.
Yagize ati “Ni ikigaragaza ubufatanye hagati y'ibihugu 2 n'icyizere igihugu cy'u BuholandI gifitiye u Rwanda mu buryo bw'amahugurwa n’aho bahugurira abasirikare babo. Babanje kureba ibikoresho dufite, aho bazahugurirwa uko hateye mbere yuko bafata icyemezo cyo kubazana hano kubahugura. Ndumva ari ikintu kigaragaza ko turimo kugera ku nshingano zacu mu buryo bwo guhugura abasirikare. Niba hari abashobora kuza guhugura abasirikare babo mu Rwanda, ni ikigaragaza ko tugeze ahantu hashimishije.”
Mu gihe cy'ibyumweru 3, Itsinda ry'aba basirikare 150 bo mu Buholandi bazaba bakorera imyitozo mu ishuri rya gisirikare rya Gabiro
Igihugu cy'u Buholandi cyatangiye gufasha u Rwanda nyuma ya Jenoside ya Jenoside yakorewe Abatutsi ikimara guhagarikwa batera inkunga ibikorwa byo gusana igihugu, gufasha inzego z'ubutabera, ubuhinzi, gukwirakwiza amazi meza mu baturage n'ubufatanye mu bya gisirikare.
Bosco Kwizera
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru