AGEZWEHO

  • Abadepite batangiye gusuzuma umushinga w'itegeko witezweho kongerera ububasha Polisi – Soma inkuru...
  • Ku munsi mpuzamahanga wa mwalimu mu Rwanda abarimu bishimiye ko leta yita ku mibereho yabo – Soma inkuru...

Abatorewe kuzavamo abagize komite z’abunzi bavuze ko biteguye kurangwa n'ubunyangamugayo

Yanditswe Sep, 17 2022 18:12 PM | 123,615 Views



Bamwe mu bakandida batorewe kuzavamo abagize komite z’abunzi bavuze ko biteguye kurangwa n'ubunyangamugayo mu nshingano, mu gihe baba bagiriwe icyizere. 

Minisiteri y’ubutabera ishima uruhare rw’abunzi mu kugabanya umubare w’imanza zijya mu nkiko.

Ibikorwa by'amatora y'abunzi byatangiriye ku rwego rw'umudugugu, hatorwa abakandida bazavamo abunzi. 

Abari bemerewe gutorwa ni abanyarwanda batuye cyangwa bakorera mu mudugudu, bafite nibura imyaka 21. 

Abatora nabo ni abanyarwanda bemerewe gutora n’abanyamahanga batuye cyangwa bakorera mu mudugudu.

Abakandida batowe ku rwego rw’umudugudu bazahurira ku rwego rw'Akagari ku itariki 24 z'uku kwezi kwa cyenda kugira ngo hatorwemo abunzi 7 ndetse n’abandi 10 b’abasimbura mu gihe hari ugize ikibazo cyangwa akegura. 

Abazaba batowe nabo bazahurira ku murenge ku tariki ya 01 z'ukwezi gutaha kwa cumi kugira ngo hatorwe komite y’abunzi ku rwego rw’umurenge. 

Nayo izaba igizwe n'abunzi 7 n’abasimbura 10.

Inteko itora ku kagari no ku murenge ni abagize inama njyanama kuri izo nzego.

Bamwe mu bakandida batowe ku rwego rw'umudugu bavuga ko batorewe ku abunzi bazakorana umurava.

Komite z’abunzi zigira manda y’imyaka itanu, icyakora izicyuye igihe zari zimaze imyaka irindwi bitewe n’icyorezo cya covid 19. 

Bamwe mu baturage bashima uruhare rw’abunzi mu mikirize y’imanza cyane iziganjemo amakimbirane yo mu ngo.

Komite z’abunzi kandi ziregerwa imanza zitarengeje agaciro ka million 3 z’amafaranga y’u Rwanda. 

Umuyobozi w’ishami rishinzwe kwegereza abaturage ubutabera muri minisiteri y’ubutabera, Mupenzi Narcisse, avuga ko komite z’abunzi zagize uruhare rukomeye mu kugabanya imanza zaregerwaga inkiko bituma servise zihuta.

Imibare ya minisiteri y'ubutabera, igaragaza ko kuva mu mwaka wa 2015 komite z’abunzi zicyuye igihe zakiriye imanza ibihumbi 297,695. 

Mu myaka itatu ishize ni ukuvuga kuva mu 2018 kugeza 2021 imanza zaregewe abunzi ni 108.006, izaciwe ni 99,586 bingana na 98%.



Ba uwambere gutanga igitekerezo

Tanga igitekerezo:



RSS FEED

Abadepite batangiye gusuzuma umushinga w'itegeko witezweho kongerera ububas

Ku munsi mpuzamahanga wa mwalimu mu Rwanda abarimu bishimiye ko leta yita ku mib

Bamwe mu bagize umuryango w’Ubwami bw’u Bwongereza basuye urwibutso

Minisiteri y'Ibidukikije yahagurukiye ikibazo cy’imiswa yangiza imyak

MINALOC yasabye abayobozi b'inzego z'ibanze baherutse gutorwa kwirinda

Imibare y'abanyeshuri bava mu mashuri yigenga bakajya mu mashuri ya Leta ik