Abaturiye Pariki y'Igihugu ya Gishwati-Mukura bafite inyota yo kubona isurwa

AGEZWEHO


Abaturiye Pariki y'Igihugu ya Gishwati-Mukura bafite inyota yo kubona isurwa

Yanditswe September, 09 2019 at 08:21 AM | 6251 Views



Nyuma y’imyaka 3 Leta yemeje Pariki y’Igihugu ya Gishwati-Mukura abaturage baravuga ko batarayibonamo inyungu kuko ngo ntabikorwa by’ubukerarugendo bifatika biratangira muri iyi pariki nshya.

Hashize imyaka itatu ishyamba rya Gishwati mukura ryemejwe na Leta y’u Rwanda ko ari Parike y’Igihugu,hagaragaramo urusobe rw’ibinyabuzima bamukerarugendo bashobora gusura birimo inyamaswa z’impundu,inkima,amoko y’inyoni asaga 200 harimo 20 aboneka muri ako gace gusa, amasumo(water Fall) n’amasoko y’amazi  n’ibiti bya kimeza bitandukanye.

Nyamara kugeza ubu ntabikorwa byu’ubukerarugendo biratangira kuhakorerwa ngo ryinjize amaadevise kubera ko hari gahunda zikiri gutegurwa,abaturiye iyi parike bifuza ko hashyirwamo imbaraga  kugira  ritangire gusurwa nabo batangire kubona ibikorwaremezo byubakirwa abaturiye pariki muri gahunda y’uko 10% by’amafaranga yinjijwe na parike asaranganywa abayituriye.

Aba baravuga ibi mu gihe abandi baturiye parike 3 z’igihugu zikorerwamo ubukerarugendo basaranganywa amafaranga azivamo akabubakira ibikorwa remezo ndetse. Mu masaha y’ijoro ndetse no ku manywa  abafite serivisi z’ubucuruzi n’ubugeni usanga bo bishimira ko bihindura iterambere ryabo bikabateza imbere,ndetse bakaba barubakiwe n’ibikorwaremezo.

Ubuyobozi bwa ParikI y’Igihugu ya Gishwati-Mukura buvuga ko hari ibyo bakiri gutunganya kugira ngo itangire gukorerwamo ubukerarugendo dore ko bamaze kubona abakozi bayikoreramo.

Umuyobozi wayo Abel Musana avuga ko mu gihe gito imyiteguro yo kugira ngo itangire gusurwa iraba yarangiye.

Pariki y’Igihugu ya Gishwati Mukura iherereye mu Ntara y’Iburengerazuba,ikora ku turere twa Ngororero na Rutsiro,iri ku boso bwa kilometero kare 35. 

Inkuru mu mashusho


 Jean Paul TURATSINZE



Ba wambere gutanga igitekerezo

Tanga igitekerezo:



RSS FEED

Pariki y’Igihugu y’Akagera iza ku isonga mu zisurwa cyane mu Rwanda

Abanyamakuru baturutse hirya no hino ku Isi basuye ahantu nyaburanga mu Rwanda

Ba rwiyemezamirimo bato barifuza guterwa inkunga mu mishinga y’ibikorwarem

Kuri uyu wa mbere u Rwanda rwakiriye inkura z'umukara 5

PM Dr. Ngirente avuga ko ubukerarugendo bufatiye runini ubukungu bw'igihugu

Abantu n'ibigo barasabwa kurinda umutekano w'amakuru n'amafaranga