Yanditswe Dec, 03 2020 10:03 AM | 170,222 Views
Isesengura Transparency
International Rwanda yakoze kuri raporo y'Umugenzuzi Mukuru w'Imari ya Leta
rigaragaza ko amafaranga anyerezwa mu ikoreshwa ry’ingengo y’imari yagabanutse.
Gusa ngo ifaranga rya Leta riba rigomba gukoreshwa mu nyungu z’umuturage.
Iri sesengura kuri raporo y'umugenzuzi mukuru w'imari ya leta ya 2017-2018 mu turere n'umujyi wa Kigali rigaragaza ko mu mwaka w'ingengo y'imari wa 2017-2018 miriyari 3.52 ari zo zanyerejwe cyangwa yakoreshejwe mu buryo budafite ibisobanuro. Mu mwaka w'ingengo y'imari wa 2016-2017 yari miriyari 6.76. Iki kigereranyo kigaragaza igabanuka ry'inyerezwa ry'umutungo.
Gusa ku rundi ruhande miliyari 228 bingana na 37% by'amafaranga yose yasohowe yakoreshejwe mu buryo budakurikije amategeko agenga itangwa ry'amasoko.
Nubwo gukoresha amafaranga mu buryo butubahiriza amategeko bikigaragara nk'ikibazo gikomeye byaragabanutse kuko mu mwaka w'ingengo y'imari wa 2016-2017 yari mlriyari 238.
Umuyobozi nshingwabikorwa wa Transparency international Rwanda Apollinaire Mupiganyi avuga ko nubwo imibare igaragaza igabanuka ry'amafaranga anyerezwa nta faranga rya leta riba rikwiye kuburirwa irengero.
Kongerera ubushobozi abakozi mu nzego z'ibanze no kugira uruhare mu gutegura imishinga ni bimwe mu byagarutsweho nk'ibyafasha mu kuziba icyuho cy'inyerezwa ry'umutungo wa leta.
John Patrick KWIZERA
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru