Yanditswe Jan, 07 2020 08:59 AM | 7,025 Views
Mu gihe siporo yo koga ifatwa nka bumwe mu buryo bwo gutuma umuntu agira ubuzima bwiza, abaganga bavuga ko kutita ku isuku ya pisine byatera indwara zinyuranye zirimo umwijima wo mu bwoko bwa A, impiswi n'izindi ndwara zo mu nda.
Mu mezi 3 gusa Mukamazimpaka Catherine w'imyaka 60 nyuma y’igihe kirekire agendera ku mbago yahisemo kuzireka nyuma yo guhitamo gukora imyitozo yo koga muri piscine. Ibi byatumye akira umugongo yari amaranye igihe kirekire.
N’ubwo iyi siporo ifatwa na benshi nk'ifite akamaro gakomeye, Dr. Menelas Nkeshimana umuganga w'indwara z'umubiri mu Bitaro bya Kaminuza bya Kigali, avuga ko aha hantu bogera hadakorewe isuku ihanitse hashobora gutera indwara y'umwijima wo mu bwoko bwa A ndetse n'izindi ndwara zo mu nda.
Bamwe mu bakozi bo mu mahoteli bashinzwe imikoreshereze y'aya mazi yo kogeramo bavuga ko hari amabwiriza ahabwa abaza koga kugira ngo babashe kumenya ibikwiye kwitabwaho mbere yo kujya koga.
Dr. Nkeshimana avuga ko ikigero cy'umuti ushyirwa muri aya mazi cyajya kigenzurwa neza ndetse n'abakora iyi myitozo yo koga ubwabo bakita ku isuku yabo.
Umuti wa Chroline ni wo wifashishwa mu kwica udukoko muri aya mazi ku buryo bituma amazi yo kogamo aba afite igipimo gihagije cy’umuti wica udukoko.
Hari tumwe mu dukoko twicwa n’uwo muti mu gihe cy'iminota mike ariko hakaba n’utundi dukoko dufata igihe kinini iminota, 16, iminota 45 ndetse n'iminsi 10 kuri tumwe mudukoko kugirango twicwe n’uwo muti.
Bosco KWIZERA
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru