Ambasade y'u Bushinwa mu Rwanda yagiranye ibiganiro n'abize mu Bushinwa

Kuri uyu wa Kane, Ambassade y'u Bushinwa mu Rwanda yagiranye ibiganiro n'abize mu Bushinwa, abashakashatsi ndetse n'inshuti z'iki gihugu, ibiganiro byibanda ku iterambere ry'u Bushinwa ndetse n'icyo umugabane wa Afurika by'umwihariko u Rwanda rwakwigira ku iterambere u Bushinwa bugezeho.

Iragena Fidence uyoboye itsinda ry'abize mu Bushinwa yemeza ko hari byinshi u Bushinwa bakoze kugira ngo bugere ku iterambere buriho ubu kandi ko n'ibihugu bya Afurika biramutse bigize ubushake nk'ubw'u Bushinwa nabyo byagera kuri iri terambere.

Kugeza ubu u Bushinwa bufite imshinga itandukanye bukorera mu Rwanda haba mu burezi, mu bikorwa remezo n'ibindi.

Ambasaderi w'u Bushinwa mu Rwanda, Wang Xuekun avuga ko umubano w'u Rwanda n'u Bushinwa ushingiye kubyo u Rwanda ruhuriyeho n'iki gihugu.