AGEZWEHO

  • Hatangijwe umushinga wo kongera umusaruro w'ibyoherezwa mu mahanga – Soma inkuru...
  • Abasenateri bagaragaje impungenge ku bakekwaho Jenoside bagikingirwa ikibaba n’amahanga – Soma inkuru...

BNR yazamuye igipimo cy’inyungu fatizo igurizaho banki z’ubucuruzi kigera kuri 6,5%

Yanditswe Nov, 15 2022 16:13 PM | 202,600 Views



Banki Nkuru y'u Rwanda yatangaje ko yazamuye igipimo cy’inyungu fatizo igurizaho amabanki kikagera kuri 6.5%, mu rwego rwo guhangana n’ikibazo cy’ibiciro bikomeje kuzamuka.

Banki Nkuru y'u Rwanda igaragaza ko mu gihembwe cya 3 cya 2022, igipimo cy'ihindagurika ry'ibiciro cyageze kuri 16.4% kivuye kuri 12.1% mu gihembwe cya 2. Biteganyijwe ko uyu mwaka uzarangira iri zamuka riri ku rugero rwa 13.2% bikazaba byazamutseho 1.1% ku gipimo cyari gitegenyijwe.

BNR isobanura ko iri zamuka rishingiye ku musaruro muke w'ibiribwa, ibiciro bihanitse by'ibikenerwa mu buhinzi, n'intambara ihanganishije u Burusiya na Ukraine.

Iyi banki igaragaza ko ibiciro bizakomeza kuba hejuru kugera mu gice cya 1 cy'umwaka utaha wa 2023, ariko mu gice cya 2 bigende bimanuka.

Guverineri wa BNR, John Rwangombwa, asobanura iko iryo gabanuka rizashingira ku ngamba zinyuranye zirimo no kuzamura igipimo cy'inyungu fatizo ya BNR ku rugero rwa 6.5% bivuye kuri 6% cyari cyashyizweho mu kwezi kwa 8.

Anagaragaza ko agaciro k'ibicuruzwa byoherejwe hanze kiyongereyeho 39.9% mu gihembwe cya 3 cya 2022, ariko n'agaciro k'ibitumizwa nako kazamutseho 38.9%. Ibi byatumye icyuho hagati y'ibitumizwa n'ibyoherezwa kizamuka ku rugero rwa 38.3%. Gusa atanga icyizere ko bitazahungabanya agaciro k'ifaranga, kuko hari ubwizigame buhagije.

Nubwo hari ibibazo by'ubukungu binyuranye, ubukungu bw'igihugu buzakomeza kuzahuka, aho buteganyijwe kuzamuka ku rugero rwa 6.8% muri uyu mwaka mu gihe bwari buteganyijwe kuzamuka ku rugero rwa 6%, iyi banki inashimangira ko urwego rw'imari narwo rukomeje guhagarara neza, aho umutungo warwo wazamutse ku rugero rwa 18.8% kuko wageze kuri miliyari 8,577 muri Nzeri 2022 uvuye kuri miliyari 7,219 wariho umwaka ushize.

Jeannette UWABABYEYI



Ba uwambere gutanga igitekerezo

Tanga igitekerezo:



RSS FEED

Hatangijwe umushinga wo kongera umusaruro w'ibyoherezwa mu mahanga

Abasenateri bagaragaje impungenge ku bakekwaho Jenoside bagikingirwa ikibaba n&r

U Rwanda rwashoye miliyari 90 Frw yo kugaburira abana ku mashuri mu 2023/2024

Minisitiri Prof. Bayisenge yasuye urubyiruko rw'i Huye, aruha umukoro wo kw

Nyamasheke: Abagororwa 18 bafungiye ibyaha bya Jenoside basabye imbabazi abo bic

Inyungu iri mu kwifashisha drones mu kohereza ibicuruzwa ku mahoteli

EU yasabye RDC kwirinda imvugo zibiba urwango n'amacakubiri biteza intambar

Abafite amasambu hafi y’Ikiyaga cya Ruhondo basabye ko abayigabije bayakur