Bugesera: Nyuma y'umuganda abaturage bahawe amagare n'imyenda

Ishyirahamwe ry'umukino wa Cricket mu Rwanda ryafatanije n'abaturage bo mu karere ka Bugesera mu muganda wo gusukura ubusitani bw'urwibutso rwa Jenoside yakorewe abatutsi rwa Ntarama ndetse batanga n'imfashanyo y'imyenda n'amagare 6 ku miryango 38 y'abana bagizwe imfubyi na Jenoside yakorewe abatutsi.

Gutema ibihuru byungarije ubusitani bw'urwibutso rwa Jenoside yakorewe abatutsi rwa Ntarama, ndetse no guharura nibyo bikorwa byaranze umuganda wahuje ubuyobozi bw'ishyirahamwe ry’úmupira wa cricket mu Rwanda n'abaturage bo mu karere ka Bugesera barimo abana bagizwe imfubyi na Jenoside yakorewe abatutsi . Bamwe mu bitabiriye uyu muganda bavuze ko iki gikorwa gifite uruhare runini mu iterambere ry'ígihugu

Ubuyobozi bw'íshyirahamwe ry'umukino wa Cricket mu Rwanda buvuga ko iterambere ry'u Rwanda rishingiye ku banyarwanda bityo ngo gukorera hamwe  bituma abaturage bungurana ibitekerezo ndetse bagafasha n’abatishoboye.

Iyi mihango yaranzwe no gushishikariza abaturage kwitabira igikorwa cyo gutanga ubwisungane mu kwivuza n'aho iyi miryango y'abana b'imfubyi basabwa kubyaza umusaruro inkunga bahabwa, dore ko irishyirahamwe rya cricket rimaze ubugira kane.

Inkuru irambuye mu mashusho: